Тексты

Вернуться к просмотру | Вернуться к списку

Toden sanad eläba igän

История изменений

09 ноября 2016 в 20:29 Нина Шибанова

• изменил(а) текст
  112¹ Ken navedib nevondoid, se navedib tedod, a ken ei navedi opendust, se om vähämeline. 2² Ižand armastab hüväsüdämelišt, a vägivaldasišt hän sudib. 3³ Värhudel mez’ ei voi püžuda, a tozioktan jur’ ei likahta. 4⁴ Hüvä ak om kuti venc ičeze mužikale, a vedelii – kuti hapatuz hänen luiš. 5⁵ Tozioiktan tahtod oma oiktad, a jumalatoman tahtod – manituz. 6⁶ Jumalatomiden sanad veba verižehe ridaha, tozioiktan sanad päzutaba heid. 7⁷ Tuleb ozatomuz’ – i jumalatomad kadoba, a tozioiktoiden kodi seižuškab. 8⁸ Mest kittas hänen melen märas, a värsüdäimeline sab vaiše hondostandan. 9⁹ Paremba olda keskkät mehen, da rata ičeze täht, mi pidäda ičtaze suren da eläda leibäta. 10¹⁰ Tozioiged pidäb hol’t ičeze kodiživatoiš-ki, a jumalatoman südäin om kova. 11¹¹ Ken pöudol radab, se püžub leibäs, a ken ei kehta rata, se om vähämeline. [Ken navedib vedämaha aigad vinad jodes, se tob ičeze kodile pahan slavan.] 12¹² Jumalatoi ecib tunktas pahan verkoihe, a tozioiktoiden jur’ om vahv. 13¹³ Jumalatoi putub ridaha ičeze sanoiden tagut, a tozioiged päzub ridaspäi. [Hüvin tulijad armahtadas, a ken tungese verajaha, ahtištab toižid.] 14¹⁴ Mez’ sab külläks ičeze paginoiden pohjal, a paukan sab ičeze käziden radol. 15¹⁵ Vähämeline lugeb ičeze matkan oiktaks, a melev om se, ken kundleb nevondoid. 16¹⁶ Vähämeline sid’-žo ozutab ičeze taban, a melev peitäb abidon. 17¹⁷ Ken sanub sen, midä tedab, se sanub tot, a vär todištai kelastab. 18¹⁸ Eraz tühjanpagižii iškeb sanal kuti surel veičel, a melevan sana tegeb tervheks. 19¹⁹ Toden sanad eläba igän, a kelhad – vaiše pordoižen. 20²⁰ Manituz om pahantegijan südäimes, a miruntegijal om ihastuz. 21²¹ Tozioiktale ei tule nimittušt pahad, jumalatomad saba pahad täudel märal. 22²² Kelhad paginad oma Ižandale vastmel’he, hän navedib, konz pagištas tot. 23²³ Melev mez’ peitäb ičeze tedoid, a vähämeližen südäin ozutab ičeze vähämeližut. 24²⁴ Radajan käzi ižandoičeškab, a lašk linneb käskabunikan. 25²⁵ Tusk painab mehen südänt, a hüvä sana tegeb veslembaks. 26²⁶ Tozioiged ozutab ičeze läheližele matkan, a jumalatomiden te veb heid segoidusihe. 27²⁷ Lašk ei keitä ičeze sališt, a radajan mehen kodielo om kalliž. 28²⁸ Toden matkal om elo, sen tel ei ole surmad.

09 ноября 2016 в 20:22 Нина Шибанова

• создал(а) текст