Тексты
Вернуться к просмотру | Вернуться к списку
Kui Kevät Talven voitti
История изменений
11 сентября 2019 в 12:57 Нина Шибанова
- создал(а) текст
- создал(а) текст: ven’alaine suarnu Eli-oli erähäs kyläs Mašaine. Erähiči istui häi ikkunan pieles da kezräi värtinäl valgiedu pelvastu da saneli: – Konzu Kevät tulou, konzu mägilöispäi lähtöy lumi, minä pastan piiruadu da lähten yhtes omien dovarišoinke vastuamah Kevätty, kuččumah kyläh. Vuottau Maša lämmiä da hyväntahtostu Kevätty, ga sidä eibo nävy, eibo kuulu. Talvihäi ei lähte, endizelleh pakastau. Rahvas jo terstavuttih Talveh: käit da jallat kylmetäh, pihal on vilu. Midäbo ruadua? Tuli Mašale mieleh lähtie kuččumah Kevätty. Meni häi pellole da rubei kuččumah Päivästy. Päiväine ozuttihes mäen tagua, Mašagi kyzyy sil: – Oletgo nähnyh omua sizärdy, čomua Kevätty? Päiväine vastuau: – En ole vastannuh Kevätty, ga näin vahnua Talvie. Näin, kui häi, julmu, Keviäs pageni, huavos pakkastu kandoi. Talvi mäes sordui parahite teijän čuppuh, nygöi ei tahto lähtie iäres. Ga Kevät-rukku täs nimidä ei tiijä. Astu vai minun jälgeh, näet – vihandu meččy. Täsgi eči Kevätty. Lähti Maša eččimäh Kevätty. Astui häi kodvan da lopukse tuli vihandah meččäh. Astui tyttö meččiä myö dai yöksyi. Istavui Maša kannole da nägi taivahal valgien jouččenen. Oli se Kevät. Maša rubei kuččumah Kevätty: – Kevät-muatušku, tule meijän čuppuh, aja iäres julmu Talvi! Kuuli Kevät Mašoin sanat da lähti karkoittamah Talvie. Lendäy Kevät, siivel räpsyttäy – lumi rubei sulamah, toizel räpsyttäy – päiväine rubei pastamah. Vahnu da ylen äijäl väzynyh Talvi lähti pagoh. Peityi Talvi jiäragoh, a Kevät salbai sen lukkuh. Muga Kevät voittigi Talven! Tuli Maša järilleh omah kyläh, a sie čoma Kevät jo emändöiččöy. Rodih vuozi lämmin da hyvä.