Тексты
Вернуться к просмотру | Вернуться к списку
Ühtes kaiken om veslemb!
История изменений
14 октября 2021 в 19:37 Nataly Krizhanovsky
- изменил(а) автора источника
с Svetlana Loginova
на
22 мая 2020 в 12:54 Нина Шибанова
- создал(а) текст
- создал(а) текст: Veslas mäni Maidnedal’ Päžaras. Kuti ilokaz neižne, se heredas štargui mägespäi reguzil da vatruškoil. Maidnedal’ kaiken aigan om čoma da hüvä praznik! Miččid adivoid vaiše ei olend praznikal, ilma nagrandata ed kacuhta! Oliba Vavila-sep, vepsläine vägev mez’, da kaks’ Ninad: Nina- Käbedmod da Nina-Mustburu. Muga hö adivoičiba Vavila-sepäd, miše hän uinzi mugoižes holespäi. Necil aigal ilokahad Ninad paniba händast reguzile da rehkiba mägespäi. A mägi oli korged da kover! Rahvaz veslas mäneti aigad. Maidnedalin pažag oli tozi sur’. Sen savunke lendiba taivhaze meiden hol’ da tusk, kaik opalahižed meled da abidad, läžundad. Praznikan aigan mägel radoi todesine Reguziden inspektor. Hän kacui, miše kaik ristitud kävutaižiba ičeze ajamid oikti i mägel kaik oliži hüvä. Reguziden inspektoran viheldusespäi heraštuiba kaik agjan varišad. Koume časud mö iloitelimoiš mägel. Oli lujas vessel. Kaik joiba čajud samvaraspäi kürzidenke da marjkeitosenke. Spasib, Maidnedal’, kürziš! Spasib, mägut, ilos! Spasib, hüväd ristitud, todesižes rahvahan praznikas! Nagemoiš 2021. vodel. Kai kile tervhut, armastust, tü nüt kodiš da henges, dengoid da hüväd kezan satust!