ВепКар :: Тексты

Тексты

Вернуться к просмотру | Вернуться к списку

Sockuoi i zborššikat

История изменений

01 июня 2020 в 16:15 Нина Шибанова

  • создал(а) текст
  • создал(а) перевод текста
  • создал(а) текст: – A sockuoi oligo küläs? Ol’, oli... Vie oli tati meiden pokuoinikke sockuoinnu, minä muštan. Siid tulou ku viesti pogostalpiäi tüötäh sigä praul’en’ai... ei praul’en’ai nu, neče ui sigä stuarostad da zborššikat tüötäh, siid d’o sockoi lähtöu, sen zboršikan ker da stuarostanker toižeh küläh d’enguoit kerädämmäh. I sigä on toine sockuoi ku pogostal on sockuoi. Siit tulou Pelduoižih kerädämmäh, Pelduoižen sockuoi ei kerädännü omas küläs, da ei kerädä toine. Vot muga sockuoikse sanottih sigä külän kävel’t’t’ih. – A valittih vai...? Ka entiä vallittih vai kui naznačaittih... ei vallittu, naznačaittih, vot. Siid hot’ vähäižel pidäu tietä. – Sinun tuatto oli...? Sockuoinnu! Sanou sinä, kačo, küzüd minul, što kuibo häntte naznačittih. Ka siid viiberittih, štobi kudai vähäižel malttai kird’ah, kač, tuldah, näge, stuarostad da kai ka, štobi voiš kir’uttai da, tietä hot’ äi vähä miitut, a ken prostuoi on ka sidä ei panda. A borščikuoikse oli, muštan minä, Ser’gäin Griiššat tožo viiberittih. Da siid erähid entiä kedä oli. A tati oli meiden sockuoinu oli. Siid d’o mi rodineh, sporitanneh libo tora, libo mi küläs ka siid enzimmäižeks sockuoi kučutah. Siit sockuoi d’o siit tüöndäu sinnä rajonah ur’adnikah, tüötäh viesti. Siid ur’adnikke tulou d’o rozbiraiččemah. – A ken oli vie küläs sockuoinnu? A muid emmušta sii oli vai ei, onnakko. Liennoug olnu Mišan Ontuoi vai ei liennou olnu? Siise a tatim muštan eno hüvin oli. Val’l’astau hebon kord’ah, da siid lähtöu toižeh küläh, sinnä mami-pokuoinikke provodiu. Nu a siid naverno ei olnu sockuoid enämbi ni kedä, borššikuoid vai pan’d’ih. Vie oli Dükim Mikk oli borššikannu da siit Ser’gevän Grišše oli, se he posmenno ol’d’ih sigä, boršikaks entiä. Boršikale siid d’o pidäu viedä neččih pogostale. Meil oli häi se, mi oli nastojaššuoi se sentre, sinnä pidäu viedä sveeden’aid libo d’engad libo midätahto. Vot kui oli.