Тексты
Вернуться к просмотру | Вернуться к списку
Gostih lyydilaižilluo: lyydilaine kuulugu-2022
История изменений
10 сентября 2022 в 14:49 Александра Родионова
- создал(а) текст
- создал(а) текст: Amuužes aigas d’oga kyläs, d’oga hierus ainoz pidettih omad pruaznikkad, kudamiin kävydih ad’voih toine toižiile. Gu derein’as pidettih omad kyläpruaznikkad, siid sinne gost’ad tuldih toižiis kylispiäi. Pruaznuittih muga: huondeksel emändäd d’o striäpitäh, gu tietäh, što toižiis kylispiäi tuldah ristikanzat, loitozespiäi tuldah d’o ehtäl, a ken lähembä eläy, siid huondeksel. Konz gost’ad tuldih, ezmai kävydih kalmižemale, a päiväl emändäd da ižandäd poččivoittih omiid gostiid magedil piiragoil daigi toižiil syömižiil. Täl vuodel, kezakuul, Kielen, literatuuran da hištorijan institutan tiedustajad oldih keradomatkas lyydiläižiid kyliid myöti Kompohd’an, Priäžan daigi Anuksen piiriis. Myö keräžimme paginmaterjalad, kirjutimme diktofonale daigi kamerale kielenozuteksed, paiči sida keräžimme etnograafižiid materjaloid, kudambad kuvatah, ezimarkaks, lyydilaižiin muahepanend-, miehelemänend, rodil’noi tabad i rahvahan pruaznikkoid. Olimme hyväs mieles siit, što meiden moned informantad muštettih hyvin, kus da konz pidettih omad rahvahan pruaznikkoid. Kai, midä myö tiedustuimme meiden keradomatkan aigah, tahtoižin ozuttada täs kird’utukses. Moned pruaznikad oldah d’o tietty O. Ognevan da A. Konkan Pyhät da arret- kniigaspiäi, no meile puutuigi keräta uutt tiedodgi. Nygyy, konz tiedätte, midä pruaznikkad pidetah erähäs lyydilaižes kyläs (ezim., Spuasanpäiv Priäžas, Il’l’anpäiv, Stroič Kend’ärves imi) voitte tulda gostih omilluo. Tervheks tulda ad’voih lyydilaiželluo! Lyydilaine kuulugu-2022 Pakažkuu 14.1. – Vahn Uuz’ vuoz’: Lidžmi (Priäžan piiri) 29.1. – Tal’v-Pedru: Laht (nygyy Pyhärvi, Priäžan piiri) Tuhukuu 12.2. – Iivananpäiv: Pyhäniem, Huot’niemi (Kompohd’an piiri); Lidžmi (Priäžan piiri) 15.2. – Srietind: Mecuoiniem (nygyy Kujärv, Anuksen piiri) Sulakuu 25.4. – D’umaldomanpäiv: Syrd’ (nygyy Pyhärvi, Priäžan piiri) Orazkuu 6.5. – Keväz’-Dyrgi: Dyrkänmägi, Koikkar, Hal’därv (Kompohd’an piiri) 22.5. – Keväz’-Miikul: Novikuo (nygyy Kujärv, Anuksen piiri); Čarniemi (nygyy Pyhärvi, Čarniemen uuličče, Priäžan piiri); Liidečura (nygyy Kendärv, Kompohd’an piiri) Kezakuu 2.6. – Voznesend’: Kukuoiniem (nygyy Kujärv, Anuksen piiri); Tiudii (Kompohd’an piiri) 12.6. – люд. Stroič : Kendärv, Pyhäniem, Suar’ (Kompohd’an piiri) 13.6. – Duuhanpäiv: S’ola (nygyy Kujärv, Anuksen piiri) Heinkuu 7.7. – Iivananpäiv: Syrd’ (nygyy Kujärv, Anuksen piiri); Deššu (Kompohd’an piiri); Siidniemi (nygyy Simaništo, Siidniemen uuličče, Priäžan piiri) 9.7. – Tiifinskuo: Paloniem (Anuksen piiri) 12.7. – Pedrunpäiv: Laht (nygyy Pyhärvi), Siidniemi (nygyy Simaništo, Siidniemen uuličče) (Priäžan piiri); Suar’ (Kompohd’an piiri) 14.7. Kuz’moi da Dimjoi: Dyrkänmägi (Kompohd’an piiri) 21.7. – Kazanskuu: D’ogensuu (nygyy Kujärv, Anuksen piiri) 29.7. – Il’l’an piätnič : Mecuoiniem (nygyy Kujärv, Anuksen piiri) Elokuu 2.8. – Il’l’anpäiv: Pyhärvi, Čarniemi (nygyy Pyhärvi, Čarniemen uuličče) (Priäžan piiri); Tuošla (Anuksen piiri); Suunusuu, Mundärv (Kompohd’an piiri); Nuamoil (Änižen piiri) 14.8. – Makovei: Suar’ (Kompohd’an piiri) 19.8. – Spuasanpäiv : Priäže (Priäžan piiri); Koikkar (Kompohd’an piiri) 28.8. – Emaganpäiv: Hidniem (nygyy Kujärv, Anuksen piiri); Pyhäniem, Pälärv, Homselg (Kompohd’an piiri) 31.8. – Frolanpäiv: Kukuoiniem (nygyy Kujärv, Anuksen piiri); Pyhäniem (Kompohd’an piiri) Sygyz’kuu 11.9. – Kuiv-Iivan: Tiudii (Kompohd’an piiri) 27.9. – Sviižoi: Agveh (nygyy Kujärv, Anuksen piiri); Lidžmi (Präžan piiri) Ligakuu 14.10. – Pokrou: Priäže, Pyhärv (Priäžan piiri) Kyl’mkuu 1.11. (4.11.) – Kegri: D’ogensuu (nygyy Kujärv, Anuksen piiri) 8.11. – Mitrijanpäiv: Yliči (nygyy Kujärv, Anuksen piiri); Vornovankylä (Kompohd’an piiri) 14.11. – Kuz’moi da Dimjoi: Dyrkänmägi (Kompohd’an piiri) Tal’vkuu 9.12. – Sygyz’-Dyrgi: Dyrkänmägi, Koikkar (Kompohd’an piiri) 17.12. – Varvuoinpäiv: Homselg (Kompohd’an piiri) 19.12. – Sygyz’-Miikul: Novikuo (nygyy Kujärv, Anuksen piiri); Luodehkylä (Kendärv, Kompohd’an piiri).