ВепКар :: Тексты

Тексты

Вернуться к просмотру | Вернуться к списку

Vastaimmo meijän saldattoi

История изменений

28 октября 2022 в 14:48 Александра Родионова

  • создал(а) текст
  • создал(а) перевод текста
  • создал(а) текст: Myö, konzu vstrečaičimmohäi yhtes vanhembienke meijän puna-armejalaižii nuorii, sit kačoimmo kui erähät itkietäh ilos, erähät sebäilläh, ukkaillah. Sit kenliennöy flavun nosti, a flavunnu oli moine pluat't'u, se oli punaine materjualu i valgiet gui hernehet sie, no yksikai se oli gu flagu. Sit myö dogadiimmo, meidy oli nelli brihaččuu, myö smekniimmo: lähtemmö myö Voiton kunniakse azummo sal'utan Sudalas. A meile oli kaikkii veššilöi midä pidi sih dieloh: oli vintovku, oli avtomuattu, oli granattua protivotankovoidu, pulem'otnoi lentu. Sit myö sit lentas kivil iškimmö iäres pul'kat, sit mustan porohan bankah, puolilitrahine vai suurembi banku liennou on täyzi. Piälepäi vie paniimmo arteleriiskoidu porohua gui makaronua žoltoidu . Bikfordovua šnurua ei ollut meil, sit pidi se banku panna muan alle, sit dorogaine vie kahtele metrile bokkah, štobi voiš sytyttiä, štobi meidy ei poltaš. Pikkaražet olimmo, toimitiimmo. Oi, mittuine oli sal'uttu Sudalan pellol.