Тексты

Anttihe mindei väges mehele

07 сентября 2017 в 10:56 Нина Шибанова

изменил(а) текст
Kozitihe mindei niičukašt’,. Mina olen mamal da papal üks’ tütär. Mama da papa anttaze mindei väges mehele. Mama da papa lujas zarihe prihäze, Prihäine oli lujas bohat. Mama da papa kogotihe kaik minun rodn’aine. Mina vellüdele sanuin: ”Ala sina zar’de bohastvaha. Mili bohastvad ii pida. Pidagad mindei verhan kazačihan sijas kodiš, Mina radan ičemii pöudoižil”. Vellütt: ”Mina sindei kundližin”. Vellütt mili sanui vasthaze: ”Mama da papa sindei anttaze mehele”. Anda mama da papa nüguni ihasteleze. Ükse mina en mä necen prihän taga. Ükse mina čajud hijal en d’oškande, lounad mina hijal en söškande, ičin kündlüzil mina küläine liinen. Mina ükse necida ženihod navediškande en. Ükse mina tegen ičelin surmaižen. Valičen mina vauktan koivh’aižen, kudamb koivh’aine, iilä dölod, a hän kumardeleze, iilä vihmad, a hän valuteleze. Vel’l’, armaz sina viikuško, tule sina pätničan sen koivh’aiženno, ehtned sada mindei, mina liineškanden eläb. Ed ehtne tabata mindei, mina petl’hä män. Vel’l’ tabaz’ mindei, vii mamanno da papanno. Mama da papa mindei zavottihe žal’dita. Zavottihe hö mindei pagištoitta: ”Prihä sindei navedib, i pereh navedib”. I mänin mina mehele necen prihän taga.