VepKar :: Texts

Texts

Return to list | edit | delete | Create a new | history | Statistics | ? Help

Darja Petrova. Tundištagatoiš, nece om kantele!

Darja Petrova

Tundištagatoiš, nece om kantele!

Veps
New written Veps
Petroskoiš redukun lopus Maksi-ostandkeskuses mäni azjtegoTundištagatoiš, Kantele!”. Nece azjtego oli omištadud suomalaiž-ugrilaižiden heimrahvahiden päiväle.
Azjtegon sädajan oli Nuori Karjala-organizacii. Azjtegoho ühtniba Karjalan tutabad vändajad: Skylarkfolkjouk, Natalja Šamrai da Aleksandr Dobrinin. Nadežda Drobiševskajan da Jelena Magnickajan opendajiden 30 openikad ištuiba kodikanghasižil lavahurstil da vändiba kantelel. Kaik nece tuli mel’he siričimänijoile. pigai tegeškanziba fotokuvid da videod.
Necen azjtegon pätegendan oli noustatada ristituiden homaičust rahvahaližehe suomalaiž-ugrilaižiden rahvahiden kantele-vändimehe. Tehta mugoine azjtego Maksi-ostandkeskuses oli hüvä idei, sikš miše lebupäivil sigä om äi ristituid.
Om tarbhašt, kut voib enamba, popularizoida Karjalan igähižiden rahvahiden kul’turad. Ved’ meiden kul’tur om mugoine bohat da melentartuine!