VepKar :: Texts

Texts

Return to list | edit | delete | Create a new | history | Statistics | ? Help

Irina Sotnikova. Tundištoitim lapsid vepsän kul’turanke

Irina Sotnikova

Tundištoitim lapsid vepsän kul’turanke

Veps
New written Veps
Vastuz: Vepsän rahvahan ezitajad vasttihe lapsidenke Petroskoin 32. školaspäi.
Sulakus Petroskoin 32. školas Vepsän kul’tursebran ühtnikad tegiba melentartuižen vastusen openikoidenke augotižklassoišpäi. Lapsed tundištihe vepsän rahvahanke, sen kul’turanke, tedištiba, kus vepsläižed eläba.
Mugoine vastuz toižen rahvahan ezitajidenke ei ole ezmäine neciš školas. Necil kerdal lapsil oli voimuz tedištada, ked oma vepsläižed. Vastusen aigan lapsed openzihe sanumaha erasid sanoid vepsän kelel. vändiba enččehe karjalan vändoho, miččen nimi omKondi i mecnik”. Vändoho ühtniba kut lapsed, muga vanhembad-ki ristitud. Kaikile nece vastuz tuli mel’he.
Galina Kozulina, Sulažgoran kul’turpertin pämez’, sanub: ”Om tarbhašt, miše lapsed tundištižihe rahvahiden sebroidenke, miččid om Karjalas, tedaižiba toižiden rahvahiden kul’turad, sikš pidab tehta mugomid vastusid paksumba. Äjad lapsed ei tekoi sen polhe nimidä. Vätes lapsed saba äi tedoid. Meletan, miše sadud tedod oma tarbhaižed heiden täht.”
Karjalas eläb äi rahvahid. I läz kaikutte openik tedab sen polhe. Miččed rahvahad eläba täs, mitte heil om kul’tur da tradicijoidkaikes neciš lapsed voiba tedištada openduzkirjoišpäi da internetan kal’t. No nece ei anda heile mugomid tundmusid, miččed jäižiba heiden muštho jäl’ghe eläbad vastust sen vai toižen rahvahan ezitajidenke. Muga lapsed voiba lähemba tundištadas rahvahan kul’turanke, kulištada kel’t, nägištada rahvahaližid kost’umoid.
Tetpas mugomad vastused oma tarbhaižed, ned levenzoitaba lapsiden tedoid.
Laps’aigaspäi pidab kehitoitta lapses armastust i arvostandad kut ičeze kodiman istorijaha da kul’turaha, muga toižiden rahvahiden kul’turaha. Ved’ kaikuččen rahvahan kul’tur om bohat i unikaline.