VepKar :: Texts

Texts

Return to list | edit | delete | Create a new | history | Statistics | ? Help

Maria Košeleva. Kirjad rahvahaližil kelil

Maria Košeleva

Kirjad rahvahaližil kelil

Veps
New written Veps
Petroskoin ozuteluzzalas 2014. voden lopus mäni karjalaižiden avtoroiden uziden kirjoiden prezentacii. Nece prezentacii mäni Karjalan rahvahaližen politikan da uskondsebroiden ministerstvan raha-abul.
Prezentacijal ezitadihe 14 kirjad, miččiden keskes oliba runoiden kogomused vepsän da karjalan kelil, taidehliteratur venän, karjalan da suomen kelil, konferencijan materialoiden kogomused da CD-diskad.
Literaturehtan avaiži venän pajon horPitarici”. Karjalan rahvahaližen politikan da uskondsebroiden ministerstvan varapämez’ Jelizaveta Haritonova tervehtoiti kaikid tulijoid. Hän starinoiči painišttön pätegendoiden polhe, uziš painusiš da niiden znamoičendas.
Edemba ezini Karjalan tedokeskusen kelen, literaturan da istorijan institutan tedomez’ Natalia Čikina. Hän starinoiči rahvahaližen da kodirandan literaturan znamoičendas da sen panendas vähäluguižiden rahvahiden keliden kehitoitusehe.
Avtorad, kudambad oliba prezentacijal, starinoičiba ičeze kirjoiš, niiden tegemižen istorijas, idejas da südäimištos.
Päznamoičend prezentacijal oli anttud vepsän- da karjalankeližele literaturale lapsiden täht. Tatjana Baranovan da Valentina Rogozinan lapsile runokogomusiš, Kumalikko-sanutesiš starinoiči Ol’ga Ogneva da Natalja Sinickaja. Nuori Karjala-sebran ühtnik Aleksei Cikarev starinoiči karjalankeližes Sanalipas-kirjas.
Paiči sidä adivoid tundištoitihe Periodika-painištos paindud kirjoidenke. Neciš starinoiči Periodika-painišton varapämez’ Ljudmila Talja.