VepKar :: Texts

Texts

Return to list | edit | delete | Create a new | history | Statistics | ? Help

Maria Košeleva. Ičein male minä pajatan...

Maria Košeleva

Ičein male minä pajatan...

Veps
New written Veps
Keväz’kun 19. päiväl suomalaiž-ugrilaižes školas mäni jogavozne valdkundaline runokonkursIčein male minä pajatan...”, mitte kut ende-ki oli omištadud Mail’man runotusen päiväle.
Konkursaha ühtniba lapsed suomalaž-ugrilaižes školaspäi 1.-11. klassahasai. lugiba tetabiden karjalaižiden, vepsläižiden, suomalaižiden da venälaižiden runoilijoiden runoid ičeze kodiman polhe. Žurijoukus oliba Periodikatoimišton radnikad, suomalaiž-ugrilaižen školan suomen kelen opendai Ol’ga Alonceva da vepsläine runoilii Nikolai Abramov.
Kaik lapsed hüvin vaumičihe konkursaks. valičiba lujas čomid da hüvid runoid. Kacmata sihe, miše lapsed lugiba erazvuiččil kelil, konkursan adivoile da ühtnikoile kaik oli sel’ged. Runod kodiman polhe koskiba jogahišt südäint. Polina Kononova, Vasilisa Virolainen da Natalja Timbajeva lugiba runoid vepsän kelil. Vasilisa da Natalja lugiba Alevtina Andrejevan runod – «Armaz Karjala» da «Kenen viga». A Polina lugi Nikolai Abramovan Ajagam küläha-runon. Vasilisa Virolainen sai ezmäižen sijan 1.-4. klassan openikoiden keskes. Kaik ühtnikad saiba hüvid lahjoid, diplomoid da sertifikatoid.
Om lujas hüvä, miše mugoine konkurs tuli tradicijaks, i se tehtas kaikuččen voden, ved’ sil om äi erazvuiččid tegendoid. Se vahvištoitab openikoiden da opendajiden kosketusid, paremboičeb lapsiden melentartust litaraturaha da ozutab heiden akt’ormahtoid. Konkursan pätegend om abutada lapsile tundištadas Karjalan kul’turanke da literaturanke, miččed ozutaba meiden man čomut da tradicijoid.
Tarbiž sanuda kaikile ühtnikoile sur’ spasib! toivotam, miše nece konkurs linneb tulijal-ki vodel da sihe ühtneb völ enamba lahjakahid lapsid!