VepKar :: Texts

Texts

Return to list | edit | delete | Create a new | history | Statistics | ? Help

Maria Košeleva. Čičiliuškutätüteatrale – 10 vot!

Maria Košeleva

Čičiliuškutätüteatrale – 10 vot!

Veps
New written Veps
Čičiliušku om üksjaine tätüteatr, miččen akt’orad pagižeba vaiše karjalan kelel. Kaikes aigas teatr ehti tehta 6 spektaklid, miččid surel tahtol varastadas da vastatas Karjalan agjoiš da Suomes. Necil vodel karjalan rahvahan Čičiliuškutätüteatrale täudui 10 vot.
Karjalan rahvahaline Čičiliušku-teatr oli tehtud uhokus vodel 2005 Karjalan rahvahan regionaližen organizacijan tomotusen mödhe. Teatran ohjandai om Natalia Golubovskaja. Akt’orad oma Petroskoin universitetan baltianmeren-suomalaižiden kafedran üläopenikad, karjalan kelen opendajad da noriden ühthižorganizacijoiden aktivistad. Ühtes tätüteatranke radaba tutabad kompozitorad da dramaturgad. Čičiliušku-tätüteatr ühtneb äjihe valdkundaližihe da rahvazkeskeižihe festivalihe, paksus ajeleb Karjalan lidnoihe da külihe, a mugažo verhiže maihe.
Sulakun 16. päiväl nece hüvä kollektiv praznuiči ičeze jubilejan Karjalan rahvahaližes teatras. Sigä oli tehtud teatrozuteluz, miččen nimi oliПриключение длиною в 10 лет”.
Ozatelmaha teatran ühtnikoid tuli äi ristituid: kollektivan sebranikad da ühtesradnikad Karjalaspäi da Suomespäi. Mugažo ozatelmaha kollektivad tuliba Karjalan kul’turministr Jelena Bogdanova da rahvahaližen politikan ministerstvan varapämez’ Jelizaveta Haritonova. Oli lujas čoma praznikeht. Sil eziniba erazvuiččed fol’klor- da sädaikollektivad. Kaik oliba ihastusiš.
Necil ehtal teatran ühtnikoile oli sanutud lujas äi lämid da tarbhaižid sanoid, sanutihe äi kitändsanoid-ki. Ved’ se om lujas tärged da Foto: Ol ’ga Smotrova kalliž azjtugeta, kehitoitta da kaita kodikel’t, ičeze rahvahan kel’t. A Čičiliuškuteatr tegeb necidä radod lujas hüvin. Se ozutab kaikile hüvän ozutesenkut tarbiž pidäda hol’t ičeze kel’es da kul’turas.
Toivotam Čičiliušku-teatran kollektivale kaiked hüvad: ozad, uzid satusid, idejoid da hengen libutandad!