Texts
Return to list | edit | delete | Create a new | history | Statistics | ? Help
Zinaida Strogalščikova. Niile, ked opendaškandeba vepsän kel’t
Zinaida Strogalščikova
Niile, ked opendaškandeba vepsän kel’t
Veps
New written Veps
Piterin
agjan valdmehišt jo toižen voden tegeb kursid niile , ked tahtoiba opeta vepsän kel’t .Necil vodel mugoižen projektan pätegijan om Leningradan universitet A .S .Puškinan nimel .No openduzkirjan tegemižeks universitet kucui Vepsän kul’tursebrad .Openduzkirjan vaumičendaha tartuiba Petroskoin universitetan pästnikad , kudambad erazvuiččil vozil lopiba karjalan da vepsän keliden kafedran .Koume heišpäi om sündnu da kazvanu Podporožjen rajonas : nece om Petroskoin universitetan vepsän kelen opendai Ol’ga Žukova (Jeršova ), vepsän kelen opendajad Nadežda Petrova (Kukojeva ) da Marina Ginijatullina (Jevsejevа ).Mugažo openduzkirjan tegemižehe ühtniba Karjalan lehtmehed Larisa Čirkova , Galina Baburova , Maria Filatova .Openduzkirjan material kožub kut lapsele , muga aigvoččele-ki ristitule , kudamb tahtoib opeta kodikel’t .Sihe mülüi tekstoid erazvuiččile temoile , tegendoid , melentartuižid sanaristikoid , grammatižid tablicoid da vajehnik .Kuvid kirjan täht tegi tetab jo vepsläižile nor’ taidehpirdai Irina Sotnikova .
15.-16.
elokud Vidl-külän kul’turpertiš opendajile erazvuiččiš külišpäi oli tehtud seminar , miččel oli anttud nevondoid , kut tarbiž opeta vepsän kel’he ristutuid nenid uzid openduzkirjoidme .Necil vodel elotahoid , kus opetas vepsän kel’t om enamb mi muloi .Paiči Vidlan da Al’ohovščinan elotahoid ezmäižen kerdan kursad mäneba Voznesenjen Šustrojaküläs da Boksitogorskan rajonan Arskaht’-küläs .
Kogonaz kursihe ühtneb sada mest .Läz kaht kud hö opendaškandeba vepsän kel’t .Kaikutte openik sab openduzkirjan , literaturad vepsän kelel da ližametarialoid .Erased ühtnikoišpäi mahtaba pagišta kodikelel , no tahtoiba opeta kirjutuzkel’t-ki .
Niile, ked opendaškandeba vepsän kel’t
Veps
New written Veps