VepKar :: Texts

Texts

Return to list | edit | delete | Create a new | history | Statistics | ? Help

Anastasia Konošenko. Täl vodel Rürik Loninale täuduiži 85 vot!

Anastasia Konošenko

Täl vodel Rürik Loninale täuduiži 85 vot!

Veps
New written Veps
Rürik Petrovič Lonin sündui vodel 1930 22. süguz’kud vanhas vepsläižes Kaskez-küläs. Vodel 1938 Rürik mäni školha Kaskezas, a konz hän oli koumandes klassas, zavodihe voin. Vodel 1946 Rürik mäni opendushe radmahttehnikumha. Vodel 1956 hän pördihe kodimale. Sid’ Rürik radaškanzi slesarin Šoutjärven sovhozas, a ehtoidme keradeli fol’klorad. Hän tegihe Šoutjärven vepsläižen etnografižen muzejan augonpanijaks.
Rürik Petrovič pajati Vepsläižes horas läz vittoštkümned vot. Völ hän oli vepsän kelen opendajan Šoutjärven školas.
Ičeze elos Rürik kirjuti seičeme kirjad, kut vepsän muga venän kelel-ki. Hänen keratud fol’klor om pandud kahtehe kirjaha: ”Minun rahvahan fol’klordaLühüdad pajoižed”. Mugažo hän kirjuti Детство, опаленное войной-kirjan, miččes hän starinoiči voinan aigas. Toine venänkeline kirjЖивет в народе памятьstarinoičeb Anna Lisicinan polhe.
Nügüd’ Rürik Petrovič Loninan nimi om tutab äjile ristituile.
Heinkun 17. päiväl Rürik Petrovič koli. Vodel 2010 Vepsän muzei sai Rürik Loninan nimen.
Rürik Petrovič Lonin tahtoi kaita vepsän kel’t, meiden istorijad da kul’turad.
Šoutjärven vepsläine etnografine muzei tegi openikoiden täht urokoid, miččiš muzejan pämez’ Natalia Anhimova starinoiči lapsile Rürik Loninan da hänen perehen polhe. Mugažo Natalia Aleksandrovna ozuti lapsile Loninan kaluid, miččid nügüd’ kaičesoiš muzejas.
Lapsed kundliba Rürikan änen i andoiba vastusid küzundoihe. Mugažo lapsed ozaižiba ozaitesid i saiba koditön. Heile pidab pirtta mugoižen simvolan, mitte ozutaiži, midä Rürik tegi vepsläižiden täht.
Urokal oliba kaik klassad Šoutjärven školaspäi, lapsile tuli mel’he mugoine urok.