Texts
Return to list | edit | delete | Create a new | history | Statistics | ? Help
Maria Košeleva. Magukaz tundištoituz rahvahan kul’turanke
Maria Košeleva
Magukaz tundištoituz rahvahan kul’turanke
Veps
New written Veps
Konkurs
: Petroskoiš mäni rahvahiden sömižiden Keitäm karjalaks – konkurs .
15.
vilukud Petroskoin Karelia-restoranas pauklahjoitihe Keitäm karjalaks – konkursan vägestajid .Se om Karjalan igähižiden rahvahiden sömižiden konkurs , miččes valitihe parembad receptad .Melentartuižen da magukahan konkursan pätegijoin oliba Karelia-turholding da Karjalan Rahvahaližiden kul’turiden keskuz .Karelia-turholdingan pämez’ Viktoria Žarkova sanui , miše sen konkursan idei sündui , konz tehtihe uz’ karjalan keitändladun men’u Karelia-restoranan täht .Päha tuli mel’ udessündutada karjalaižid sömižid pit’kän istorijanke , mugoižid sömižid , miččiš nügüd’ niken ei mušta , ližada niid men’uhu da tundištada restoranan adivoid todesiženke Karjalan keitändladunke .
Sändoiden mödhe konkursan ühtnikoile tarbiž oli ezitada rahvahaližen sömižen perehen recept , vaumištada necidä , oigeta konkursan tegijoile sömižen da sen keitändan etapoiden fotoid .Ei sand oli otta receptoid Karel’skaja kuhn’a – kirjaspäi da internetaspäi , se oli völ ühten da tärktan konkursan pakičusen .
Konkursaha ühtni 14 mest i , tarbiž sanuda , kaik hö oma todesižed karjalan keitändan tradicijoiden kaičijad .Kogonaz oli ezitadud 30 rahvahaližiden sömižiden receptad .
Ezmäižen sijan sai Jekaterina Logvinenko Petroskoišpäi M’asnički – receptas .Toižen sijan sai Tatjana Kan’šijeva , Belomorsklidnan eläi , ičeze Lep’oškad kartohkaspäi – sömižes , da koumanden sijan žürijouk andoi petroskoilaižele Al’ona Hämäläižele Padakurnikan receptas .Sidä paiči konkursan žüri ližazi völ kaks’ nominacijad : ”Originaližes magus da tradicijoiden kaičuses ” da ”Armaz recept ”.Ezmäižen nominacijan vägestajaks tuli Anna Pozdn’akova , hän eziti meripihkahižen torpan receptan .Toižes nominacijas vägesti Natalja Morozova .Hänen ”mul’tibl’uda ”- recept sai äniden enambišt internet-änestamižes .Nominacijoiden vägestajad saiba sertifikatad , miččiden taguiči voiba tehta matkoid Kiži-sarele .
Kaikid aktivižembile ühtnikoile Rahvahaližiden kul’turiden keskuz lahjoiči voimusen ühtneda erazvuiččihe mastar’-klassoihe .
No kaiken-se pälahjan oli se , miše kaikid melentartuižembad receptad jo necil tal’vel ližadas surehe Karelia-restoranan Karjalan rahvahan keitändladun men’uhu .
Nacein , mas ei ole mugošt ristitud , kudamb ei navediži magukast sömišt .I om lujas hüvä , miše meil oli tehtud mugoine konkurs .Sömine om lujas tärged jogahižen rahvahan kul’turan pala .Se voib starinoita rahvahan istorijas-ki .Mugoižen konkursan abul ristitud voiba tundištadas ei vaiše karjalan sömižen receptoidenke , no mugažo karjalan tradicijoidenke da istorijanke .
Magukaz tundištoituz rahvahan kul’turanke
Veps
New written Veps