Texts
Return to list | edit | delete | Create a new | history | Statistics | ? Help
Larisa Smolina. Pagiškam vepsäks videokursiden abul
Larisa Smolina
Pagiškam vepsäks videokursiden abul
Veps
New written Veps
Projekt
: Karjalas kuvatas vepsän kelen urokoiden videokursad .
Täl vodel Vepsän kul’tursebr Petroskoišpäi tegeb uden projektan .Projektan nimi om “Pagiškam vepsäks videokursiden abul ”.Vepsän kirjkel’ om nor’ kel’ .Vepsän kelel paindas literatur , Kodima-lehtez da Kipinä-kulehtez .Kaikuččen voden lähteb eloho Verez tullei-al’manah , tehtas uded openduzkirjad .Vepsän kel’ opetas školiš , üläopištos , päivkodiš da kursil .Vodespäi vodhe ristituid , ked tahtoiba teta vepsän kel’t , tegese kaik enamba .Nügüd’ nenile ristituile abuhu tuleba videokursad vepsän kelel .
Täl vodel Vepsän kul’tursebr Petroskoišpäi ühtes vepsläižiden tedomehidenke , opendajidenke da lehtmehidenke tegeb videokursad vepsän kelel .Rahoitab necidä projektad Karjalan Rahvahaližen politikan ministerstvda M .A .Castrenin sebr Suomespäi .Projektan aigan planiruitas tehta viž urokad erazvuiččihe temoihe .Jo necen voden lopus ned kaik linneb diskoil da pandas internetha .Urokoiš oma grammatikan pala , “eläbad dialogad ”, animacii , subtitrad vepsän da venän kelel .Ezmäižes urokas mö opendam vepsän kelen kirjamištod , tundištamoi toine toiženke , andam vastusid : “Kut sinun azjad oma ?”- küzundaha , sanum “Minä olen ...”, “Nece om ...”.Toižen urokan temas mö pagižem kanzan polhe .Koumandes urokas om sä – tem , nelländes – pert’ , videndes – lauk .Pidab sanuda , miše kaikuččes urokas om grammatikan pala .Miše urokoiden kacujile oliži kebnemba el’geta vepsän kel’t da otta muštho vepsläižid sanoid , el’geta min polhe om pagin , urokoiš om äi “eläbid dialogoid ”.Kezal Karjalan mal Šoutjärven muzejas mäniba dialogoiden sjomkad .Niihe ühtniba vepsläižiden küliden eläjad .Kaik hö oma todesižed vepsläižed , vepsän kelen hüväd tundijad .Paiči necidä , videokursiš oma völ čoma animacii .
“Pagiškam vepsäks ” – projektan tegijad toivoba , miše vepsän kelen videokursad oma lujas aktualižed nügüdläižes aigas .
Niiden abul vepsän kel’t voiba opeta kut nored , ozutesikš , školan openikad , mugažo aigvoččed ristitud .Kaik urokad linneb änetadud vepsäks da venäks .Kaikutte urok jatktase läz kümned minutad .Mö meletam , miše ned abutaba kaita vepsän kel’t da sirtta sen norile .Ved’ paksus voib kulištada vepsläižišpäi , miše hö unohtiba kodikel’t .Toivom , miše nene videokursad abutaba ristituile opeta vai johtutada kel’t , miččel konz-se pagižiba heiden mamad , tatad , babad da dedad .
Pagiškam vepsäks videokursiden abul
Veps
New written Veps