VepKar :: Texts

Texts

Return to list | edit | delete | Create a new | history | Statistics | ? Help

Švecova Darja . Satusekaz jatktand

Švecova Darja

Satusekaz jatktand

Veps
New written Veps
Täl kezal mäni jogavozne KogovenämanТерритория смыслов на Клязьме”- norišton openduzforum. Vladimiran agjaha tuliba nored tundijad, etnografad, istorikad, erazvuiččiden rahvahiden ezitajad Venämaspäi da verhiš maišpäi.
Nece forum jatkub pol’tošt kud da se jagase erazvuiččihe smenoihe, miččed jatktase nedalin. 21.- 26. päivil heinkud mäni rahvazkeskeine smen, kudambale tuliba erazvuiččiden rahvahiden ezitajad. 50 joukud meletiba Rahvahan ühtmuden päivän (4. kül’mkud) praznuičendan idejan.
Foruman ühtnikoiden täht oli tehtud melentartuižid vastusid. Venäman Verazmaiden azjoiden ministerstvan Sergei Lavrov - pämez’ tuli forumaha, pagiži ühtnikoidenke rahvazkeskeižen olon rahvazkeskeižehe politikaha painastusen polhe.
Delegacijoiden keskes oli i Pohjoižen, Sibirin da Edahaižen päivnouzman vähäluguižiden rahvahiden associacijan jouk. Oli tehtud suim, miččes jogahižen rahvahan ezitai starinoiči vähäižen ičeze rahvahan polhe da sen kehitoitandan rados ičeze regionas. Minä starinoičin vepsläižiš. Nece forum om arvokaz mahtišt, uded da melentartuižed tundištoitused, voimuz enamba tedištada toižiden rahvahiden kul’turas. Olen ozakaz, miše minei ozastui päzuda neche azjtegoho. Meletan, miše se oli lujas hüvä Moskvan radharjoitelusen jatktand.