VepKar :: Texts

Texts

Return to list | edit | delete | Create a new | history | Statistics | ? Help

Darja Hil’. Udatikaz Denis

Darja Hil’

Udatikaz Denis

Veps
New written Veps
Se oli sobat, ičeohjandusen päiv. Openzimoi kümnendes klassas, iče en opendand siloi. No minun ühtenklassnik Denis vedi fizikan urokan seičemenden klassan openikoile.
Tegihe muga, miše urokan jäl’ghe hänen openduzhonusen uksen ani muite sauptihe luklole. Denis ei tedand sen polhe, hän ei homaičend nimidä da čududelihe kovas, konz tegi kuverz’-se rohkaidusid päzuda irdpolele i sai tagaiškun. Fizikhonusen iknoišpäi nägui školan pordhiden katuz, i kaik kerazimoiš alahan verajanno i kacuim ozatomaha Denisaha. No hän oli udatikaz, i ei sömäidand.
Kundeltes komedad klassan aplodid Denis päzui koumanden žirun iknaspäi, joksi vähän pordhiden katustme i haškahti susedhonusen avaitud iknaha.
Sigä oli pirdändurok i, kut Denis starinoiči meile möhemba, lapsed varus eskai sordiba mujupirdimed lavale. No kacmata äjihe jügedusihe, siloi Denis päzui školaspäi päverajaha.