Texts
Return to list | edit | delete | Create a new | history | Statistics | ? Help
Galina Baburova. Kipinä vaumičese jubilejaks
Galina Baburova
Kipinä vaumičese jubilejaks
Veps
New written Veps
Toine
toižen jäl’ghe praznuičeškanziba ičeze jubilejoid Periodika-paindišton toimištod .Männuden voden lopus täudui 95 vot Karjalan sanomat-lehtesele .Necen voden kevädel jubilejan praznuiči iče Periodika-paindišt .A jo kül’mkus Kipinä-kulehtesele täudub 30 vot .
Pidab johtutada , miše vepsänkeližed nomerad (”Vepsläine kibin ”) zavottihe painda ei muga amu , vaiše 2011.vodespäi .Ende Kipinäs voi nägištada vaiše erasid lehtpolid vepsän kelel .Nügüd’ meiden vepsläižil lapsil om voimuz sada nel’l’ kerdad vodes kulehtez , miččes kaik 24 lehtpol’t oma vepsän kelel .Paiči sarnoid , starinoid da runoid Kipinäs voib löuta erazvuiččid melentartuižid tegendoid , mastar’-klassoid , receptoid , kalendarin vodeks da urokoiden aigmäran .Kipinä om tarbhaine ei vaiše lugemižen täht kodiš , se om hüvä abunik opendajile urokoil .Pidab sanuda , miše 5.-8.klassahasai nece kulehtez anttas kaikuččele openikale kädehe (lapsile , kudambad opendaba školiš vepsän kel’t ) ilma maksuta .Siš azjas rahatugedab kulehtest Karjalan rahvahaližen politikan ministerstv .
Edel jubilejad Kipinän radnikad tegeba matkoid školidme , kus opetas rahvahaližid kelid .Redukus hö oliba adivoiš Šokšun školan lapsil , kudambad opendasoiš 3.-6.klassoiš .Kipinän toimitajad starinoičiba lapsile kulehteses : kut se tehtas , ken ühtneb žurnalan radho , kut se čomitadas .
Muga tegihe , miše necil-žo päiväl lapsidennoks adivoihe tuli vepsläine runoilii Oleg Mošnikov .Hän lugi lapsile ičeze runoid , sanui ozoitesid , starinoiči ičesaze da ičeze rados .Lapsed surel tahtol kundliba adivoid da tegiba heile küzundoid .Kipinän radnikad ičeze polespäi pakičiba lapsid oigeta ičeze pirdatusid , sanaristikoid , starinoid , sarnoid da runoid toimištoho , ved’ lugijoiden sädandradod sid’ voib nägištada kulehteses Teiden ičetoi lehtpol’-rubrikas .Mugažo lapsile oli tarjoitud ühtneda udehe konkursaha .Konkursan koume vägestajad pauklahjoitas Kipinän jubilejal , mitte mäneb 11.kül’mkud Petroskoiš .
Kipinä vaumičese jubilejaks
Veps
New written Veps