VepKar :: Texts

Texts

Return to list | edit | delete | Create a new | history | Statistics | ? Help

Larisa Smolina. Tulgat pagižmaha vepsäks!

Larisa Smolina

Tulgat pagižmaha vepsäks!

Veps
New written Veps
Möst ühtes: Lopihe keza, mäneb jo sügüzen toine ku. Vepsläižed besedadpaginklub udes kucub adivoihe vepsän kelen navedijoid.
Vepsläine Paginklub möst zavodi ičeze radod Petroskoi-lidnas. Redukun 29. päiväl Rahvahaližes kul’turkeskuses mäni Paginkluban ezmäine vastuz täl vodel. Vilul sügüzližel ehtal vepsläižehe honusehe kerazihe ristitud, kudambad hengel holduba vepsän rahvahas, keles da kul’turas. Vastsiba kaikid adivoid Paginkluban seiniš sen vedäi Larisa Smolina da vepsän kelen opendai Kristina Strelkovič. Tradicijan mödhe ezmäižel vastusel kaik adivod tundištihe toine toizenke, starinoičiba iceze juriš, johtutiba kodikülid da vanhembid. Om mel’he, miše täl vodel vepsläižehe Paginklubaha tuliba uded mehed, ked tutabiden ristituiden kal’t ili Internetaspäi tedištiba vepsläižen Paginkluban rados Petroskoiš. Heiden keskes oma aigvoččed da nored ristitud. Toižed heišpäi tedaba vepsän kel’t hüvin, toižed nikonz ei pagižnugoi vepsäks, no kuliba vepsläižid paginoid laps’aigas. kaik tuliba Paginklubha opendamha kodikel’t ani augotišespäi. iče kaik oma vepsläižed. oma sündnuded vepsläižihe külihe. Heiden heng tusttub kodimad da armast kodikel’t. A Paginklub heile om se sija, kus voib kulištada vepsän kel’t, nägištada ičhižid.
Täl vodel Paginkluban rad mäneskandeb muga, miše koume ezmäšt nedalid kaikuččes kus nellänz’päivän Kristina Strelkovič vedäškandeb vepsän kelen urokoid. Niil rahvaz voib opeta vepsän kelen grammatikad, opetas lugemaha da kirjutamha vepsäks. Kaikuččen kun nelländel nedalil linneb Paginkluban vastuz. Kut aigemba-ki nenil vastusil rahvaz voib kulištada vepsläižid paginoid, kacta vepsläšt kinod, kundelta muzikad, vastatas tutabiden vepsläižiden mehidenke da tedištada, mi tegese ümbri vepsän rahvahan mirus. Ken eläb edahan Petroskoišpäi, no mugažo tahtoib olda vepsläižidenke ühtes, voiba tehta necidä SKYPE-programman abul Internetas. Meiden login ompaginklub”.
Ku , hüväd lugijad, tahtoit mugažo teta vepsän kel’t, tulgat Paginklubha kaikuččen nellänz’päivän. Vastused oma 17.30 ehtad. Meiden adres om: Petroskoi, Leninan avoird 2, honuz 6. Ku teil om küzündoid, zvonigat Kodima-lehtesen toimištoho!
Opekat vepsän kel’t da muštkat ičetoi jured!