VepKar :: Texts

Texts

Return to list | edit | delete | Create a new | history | Statistics | ? Help

Natalja Antonova. Vieljärveh huavatah kielipeziä

Natalja Antonova

Vieljärveh huavatah kielipeziä

Livvi
New written Livvic
Suaha putin ruadai kielipezä omah kyläh on kova tahto. Vieljärves allettih kyzely perehien keskes, kus on piendy lastu, kudamii taluttas päivykodvazekse karjalankielizeh pezäh. Hommat allettih vähin vähyös. Enzimäi kačotah löydyygo himoniekkua kylän perehis, sit piätetäh ket tullah ruadamah. Tuhukuun lopus meinatah pidiä paikalline seminuaru, kudamas sanellah, mih niškoi kielipezä pidäy, kui se ruadau mieros da mih tabah se rubieu ruadamah Vieljärvel.
Kielipezän koordinuattoran Natalja Antonovan sanoin mugah, Karjalan Kielen Koin seinis on valmis mugavu da lämmin perti, kus roih hyvä olla lapsil. Ečittävänny ollah lapsienkazvattajat, kudamii pidäy opastua da kannattua. Jo on kedägi tietois. Kerätäh pieni joukko lastu puoles kolmattu viideh vuodessah igiä. Allus kielipezä ei rubie ruadamah täytty päiviä. Vai työndyhyy da harjavuhuu sen ruanduaigua pitkendetäh.
Karjalan Kielen Koin halličus on eččimäs nygöi tugie kielipezän ruandah.