VepKar :: Texts

Texts

Return to list | edit | delete | Create a new | history | Statistics | ? Help

Uz’ nimi vepsläižiden runoilijoiden keskes

Uz’ nimi vepsläižiden runoilijoiden keskes

Veps
New written Veps
Kodima-lehtesehe jo panim Mihail Vas’kovan runoid da starinoičim hänen polhe. Mihail eläb Moskvas, no hänel om vepsläižed jured. Professijan mödhe Mihail om voinmez’. Hän om polkovnik. Hügüd’ Mihail om lebul. No mugažo hänel om toine-ki openduz. Mihail Vas’kov lopi Moskvan valdkundaližen verhiden keliden universitetan. Hän kändab suomalaižugrilaižid runoilijoiden töid. Ei amu Mihail zavodi johtutada ičeze kodikel’t-ki. Täl vodel hänel läksi jo nellänz’ runoiden kogomuz, miččen nimi omUgrilaižsuomalaižed poimitišed”. Sihe mülüiba Mihail Vas’kovan kändmižed. Niiden keskes oma meiden vepsläižiden runoilijoiden Nikolai Abramovan, Nina Zaicevan, Alevtina Andrejevan, Mihail Bašninan kändmižed-ki.
Ei amu Internetas Wikipedia-kogomirun enciklopedijaha oli pandud kirjutez runoilijas da kändajas Mihail Vas’kovas. Ku teil om taht tundištadas hänenke paremba, ka olgat hüväd, lugekat da kackat!