Texts
Return to list | edit | delete | Create a new | history | Statistics | ? Help
Armastuz pohjoižehe
Armastuz pohjoižehe
Veps
New written Veps
Kezakun
lopus Karjalan keskaigaižen pämehen ištundal karjalaižiden , vepsläižiden da suomalaižiden ezitajad pagižiba valdkundan rahvahiden kelen , kul’turan da tradicijoiden kaičendan problemoiš .
Zavodihe ištund čomašti .Vepsän kul’tursebran pämez’ Zinaida Strogalščikova lahjoiči "За верность Северу "-medalin sebran ühtnikale Svetlana Pas’ukovale .Svetlana Petrovna om aktivine naine .Hän om sündunu Änižjärven Šoutjärv’-küläs .Universitetan jäl’ghe Svetlana Petrovna radoi anglian kelen opendajan Kemin školas .Sid’ läz 35 vot oli valdmehen Karjalas .Hänen taguiči oli avaitud karjalan da vepsän kelen kafedr Karjalan pedagogižes institutas , Baltianmerensuomalaižiden filologijan tedokund Petroskoin universitetas , Suomalaiž-ugrilaine škol E .Lönnrotan nimel .
Svetlana Petrovna spasiboiči ištundal olnuzid aktivistoid ičeze radon korktas arvostuses da sanui , miše medalin nimi lujas kožub hänele , ved’ kogonaine hänen elo da rad oli sidotud pohjoižehe .
Sen jäl’ghe Nevondišton ühtnikad tartuiba radho .Situacijas Karjalan rajonoiš starinoičiba niiden ohjandajad .Kalevalan rajonan pämez’ Valentina Bulavceva sanui , miše vaiše 13% necen tahon openikad opendab školiš karjalan kel’t .Mugažo starinoiči siš , miše Kalevalas jatkatas Mobergan pertin kohenduzradod , neciš pertiš sijadase ”Kalevelatalo ”-etnokul’turine keskuz .Necen voden lopus se avaidab verajad kacujile udištadud nägos .A 2.semendkud Kalevala praznuičeb ičeze 90-vottušt päiväd , Valentina Bulavceva kucui Artur Parfenčikovad da kaikid Karjalan eläjid praznikale .Kogonaz Kalevalan , Oloncan da Präžan rajonoiden tahol 2017.voden lophusai planuitas tehta enamba 200 kul’turišt azjtegod .
Rahvahaližiden keliden kaičendradod tehtas Petroskoin kahesas municipaližes organizacijas .openduzvodel 2016-2017 karjalan , vepsän da suomen kel’t školiš openzi läz 2,5 tuhad last , da völ 192 last openzi rahvahaližid kelid päivkodiš .Kogonaz openikoiden lugumär (kudambad opendaba karjalan , vepsän da suomen kel’t ) männuden openduzvoden rindatades ližadui 145 openikale , päazjan fakul’tativoiden taguiči .
Präžan rajonan administracijan ohjandai starinoiči Svjatozeran školan problemas .Valdkundaližes zakonas openduses oli tehtud erasid vajehtusid , sen mödhe Svjatozeran škol kadoti ”vähätäudenzoittud ” školan statusan .Sen taguiči valdkundan raha-abun märki vajehtihe .
Nevondišton ühtnikad tugeziba külälašt školad .Artur Parfenčikov pakiči Karjalan opendusen ministerstvan pämest Aleksandr Morozovad tarkištelda necidä azjad .
Valdkundan openduzda kul’turorganizacijoiden pohjal tehtas eazvuiččed seminarad , openduzkursad , kodiröunan konferencijad , pidätas kodikelen olimpiadad , literaturižed vastused da äjan tošt .Karjalas tehtas Voden opendai-konkurs , miččel om erine nominacii – ”Kodikelen opendai ”.
Karjalan kul’turan da taidehen kolledžan pämez’ Svetlana Medvedeva starinoiči , miše seičemes vodes 58 pästnikad saiba opendusen ”Etnotaidehine sädandrad ”-poles .Kolledžan pästnikad radaba Karjalan kul’turorganizacijoiš rahvahiden praznikoiden tegijoin , teatraližiden ezitusiden artistoin , erazvuiččiden sädandradsebroiden ohjandajin , artistan mastaruden opendajin .
Zinaida Strogalščikova starinoiči Barencan regionan igähižiden rahvahiden sammitan satusiš .
Karjalan keskaigaine pämez’ tarjoiči Petroskoin kadetoiden opištos , mitte nügüd’ saudas lidnas , opeta openikoid rahvahaližihe kelihe .Hän sanui , miše nenile lapsile , kudambad tuleba opendamhas opištoho valdkundan rajonoišpäi , kus hö openziba školiš karjalan vepsän da suomen kel’t , tarbiž jatkata niiden opendust edemba-ki .Rad rahvahaližen kul’turan kaičendan poles jatktase .
Armastuz pohjoižehe
Veps
New written Veps