Texts

Valerii Sidorkin. Tägä om midä kacta

corpus: Journalistic texts

Source:

Kodima. № 1, 2018, p. 5

Valerii Sidorkin

Tägä om midä kacta

Veps
New written Veps

Toine
toižen
jäl’ghe
kaks’
ut
ozutelust
avaižihe
kanman
2018. vot
Karjalan
taidehmuzejan
zaloiš. Ezmäižen
ozutelusen
nimi
om
”Car’
P’otr”. Se
om
omištadud
Surele
Venäman
carile
. Hän
om
kuvatud
erazvuiččil
ičeze
elon
da
valdkundtegendan aigkeskustoil
.
Mugažo
täs
om
töid
, miččed
starinoičeba
P’otran Ezmäižen
matkoiš
Oloncan gubernijaha, P’otran zavodoiden, Petrovskaja slobodan (mitte
möhemba
tegihe
Petroskoikš
) da
Marcial’nije Vodi
– ezmäižen
Venäman
kurortan – tegemižes
.
Toine
om
voden
lopun
tradicionaline
”Änižen
mujulaudaine
” (”Onežskaja palitra”)-ozuteluz. Täs
om
ezitadud
83 pirdajan töd
, nene
oma
Venäman
Pirdajiden sebran
ühtnikad
. Nügüd’
nece
om
erine
ozuteluz
, ved’
se
vedetas
jo
50 kerdan
. Ozutelusel
om
sur’kulu
taidehen
žanroiden da
kuvatandladuiden lugu
: kuvataideh
da
grafik, vestatuz da
art-objektad. Mugoine
žanroiden äjüz’ čudutoitab
muzejan
kävujid
. Täs
voib
homaita
kut
tutabiden
mastariden
, muga
noriden-ki pirdajiden kuvid
da
töid
.
Ozutelusel
om
lujas
äi
Karjalan
londuzkuvid
, om
vepsän-ki röunan
kuvid
. Nene
oma
, ozutesikš
, Aleksandr Kaštanovan, Georgii Ivanovan, Eila Timožen da
Ol’ga
Juntužen töd
. Om
kuvid-ki, miččiden
idei
om
ottud
Lönnrotan ”Kalevala”- posaspäi. Mugoižiden
kuviden
tegijad
oma
pirdai
Vladimir
Lukkonen, pun
vestai
Igor’ Galikov, kudamb
tegi
”Kalevalan” hengiden
kogonaižen
ciklan ”penen
vestatusen” tehnikal da
kuvamastar’ Anatolii Titov, kudamb
ei
amu
läksi
elospäi
.
Kingitab
muzejan
kävujiden
homaitust Venäman
rahvahaližen
artistan
, Karjalan
Rahvahaližen
teatran
akt’oran
Pekka Mikšijevan modkuva
, miččen
pirdi
hänen
sebranik
Pavel Pol’akov. Tarbiž
sanuda
, miše
sen
modkuvan
päheng iče
kävui
osutelusel. Völ
kävujile
tuleb
mel’he
Oloncan mastaril
Irina
Tikkujeval ombeltud
karjalaižen
akan
stilistine sädo
.
”Car’
P’otr” da
”Änižen
mujulaudaine
”-ozutelused om
avaitud
necen
voden
uhokun
augotišehesai
.