Texts
Return to list | edit | delete | Create a new | history | Statistics | ? Help
Tamara Sidorova. Suuri palkindo pruazniekan päiväkse
Tamara Sidorova
Suuri palkindo pruazniekan päiväkse
Livvi
New written Livvic
Kevätkuun
26.päivänny Kantele-ansamblin talois piettih Kul’tuurualan ruadajan päiviä .Ansamblin artistoi tuli hyvittelemäh äijy virguniekkua , kudamien joukos oligi Karjalan tazavallan piämies Artur Parfenčikov .
Kantele-ansambli jo monii vuozikymmenii ezittäy Karjalan kandurahvahien – ven’alazien , karjalazien , vepsäläzien da suomelazien – kul’tuurua .Ansamblin ruado aiven oli da tänä-päigi on tärgei .Vuvvennu 2017 7.tuhukuudu oli piätetty andua Vuvven 2016 Ven’an federatsien kul’tuurualan palkindo Kantele-ansamblin nelläle hengele .Tämän palkičuksen artistat suadih Karjalan ven’alazet -projektas .
– Kul’tuurualan ruadajan päivy on pruazniekku , kudai ozuttau , midä työ ruatto oman muan hyväkse .
Kul’tuuru on moine ruadoala , kudai vastuau ristikanzan hengen tervehyös , juuri kul’tuurah on pandu rahvahan omaluaduvus da juuret .Myö ylbeilemmö meijän joukkoloil , ku hyö maltettih säilyttiä perindöt da andua omat tiijot tulieloile polvile , hyvitteli artistoi Artur Parfenčikov .
Ven’an federatsien palki-čuksen laureatat suadihgi Karjalan tazavallan piämiehen hyvittelykirjazet .Palkittuloin joukos ollah ansamblin johtai da Karjalan ven’alazet -projektan johtai Lidija Stepanova , ruuttien luadii Alla Vlasenko , muuzikan kirjuttai V’ačeslav Ivanov , horapajatandan opastai Marina Ustinova .
Palkičuksen suurus on yksi miljonu rubl’ua .Finansukriizisan periä 600 000 rubl’ua nämmis dengois oli piätetty andua ansamblin kehittämizeh .
Karjalan kul’tuuruministru Aleksei Lesonen palkičči kunnivokirjazel ansamblin ohjavo-ozaston piälikkyö Larisa Krasavtsevua , Kanzallizen poliitiekan ministran sijahine Jelena Migunova palkičči ansamblin piälimästy baletmeisterua Oksana Smirnovua .
Palkičuspivon jälles lavale tuli Kantele-ansamblin Ainojoukko , kudai tänävuon täyttäy 65 vuottu .Pivon lopus Lilija Stepanova pidi gostih niškoi ekskursien “Kantelen ” taloidu myöte .
Suuri palkindo pruazniekan päiväkse
Livvi
New written Livvic