Texts

Natalja Denisova. “Vanhan kylän” neruo da eluo

corpus: Journalistic texts

Source:

Oma Mua. № 8, 2017, p. 3

Natalja Denisova

“Vanhan kylän” neruo da eluo

Livvi
New written Livvic

Sordavalas Sotsiualukul’tuurizes nuorižon
keskukses
24.-26. tuhukuudu
piettih
suuri
etnokul’tuurine tapahtumu
“Vanha kylä
”. Folklourupruazniekku
piettih
projektan
mugah
, kuduan
nimi
on
“Pohjazen
kerdomuksii
– kanzoinväline
etnolaboratourii”. Se
sai
Ven’an
prezidentan
kannatustu
. Pivon
tarkoituksennu
oli
tuttavuttua linnan
eläjii
da
gostii
Sordavalan piirin
kandurahvahien
kul’tuurah
da
perindölöih
.
Enzimäzenny
piän
piettih
seminuaru
“Alovehen
rahvahan
kul’tuuran
säilyttämizen da
levittämizen
probliemoi
”. Luadogan
alovehen
histouries
piettih
paginua
Karjalan
tiedokeskuksen
Kielen
, literatuuran
da
histourien
instituutan
, Luadogan
Karjalan
alovehellizen
muzein
da
Kurkijoven kodialovehmuzein ruadajat
. Piiterispäi tulluh
muzikantu
Ilja Dobrohotov ozutti
kanzallizii
soittimii
, kudualoil
sit
soitti
Korela-muuzikkujoukko. Karjala-ansamblin johtai
Andrei Anisimov ozutti
Sildazilla tanššijat-opastusvideon karjalazis
tansilois
. Tämän
diskan
prezentatsii rodieu
Petroskois 1. sulakuudu
. Skål-histouriellizen rekonstruktsien kluuban
neroniekat
kerrottih
muinazen
saviastieloin
luadimizes
da
keskiaigazien
sobien
rekonstruktsies. Seminuaru
miellytti
kuundelijoi
da
pani
hyvän
allun
suureh
ruadoh
.
Suovattan
25. tuhukuudu
Nuorižon
keskukses
piettih
jarmanku
, kuduan
aigua
sai
nähtä
soittimii
, saviastieloi
, puus
da
ravvas
luajittuloi vehkehii
. Ližäkse
sai
yhtyö
ruadopajoih
, panetella
piäle
keskiaigazii
sobii
, ostua
kniigoi
, neroniekkoin luajilmuksii da
juvva
čuajuu
šipainiekkoinke
. Pivon
aigah
neroniekku
Irina Solomešč kudoi
hurstin
oman
logotipanke. Tansijoukot kučuttih
jarmankan
gostii
kižuamah
vahnoih
kižoih
. Samannu
piän
piettihgi konsertu
, kuduan
aigua
perindöllizii
pajoloi
da
tansiloi
ozutettih
petroskoilazet ansamblit “Karjala” da
“Kajahuš” da
Korela-ansambli Piiterispäi. Sordavalan Matitsa- da
Vereja -ansambliloil on
uuzi
kače
folklourah
. Hyvin
otettih
vastah
i
Ikiruuhi- joukun muzikantoi
da
Rääkkyläspäi da
Oulus tulluzii muuzikkujoukkoloi.
Pyhänpiän pruazniekan
lopus
piettih
“pyöryžy
stola
” ekspertoih
niškoi
, kuduan
aigua
paistih
Etnolaboratourien ruavon
tuloksis
. Piätettih
luadie
tutkimus
, kudai
ozuttas
ongo turistoil
kinnostustu Luadogan
alovehen
kanzallizeh
kul’tuurah
. Tuloksien
mugah
voibi
luadie
piätöksii
. Pidoh
yhtynyzien mieles
olis
hyvä
pidiä
Vanha kylä
-pruazniekkua tulien
vuongi.