Texts
Return to list | edit | delete | Create a new | history | Statistics | ? Help
Tuhukuun haikuloi
Tuhukuun haikuloi
Livvi
New written Livvic
***
Pakkaskuu
loppih ,
tuhukuu algoi – panen
vetty čainiekkah .
***
Pimien huondeksen
aigah mustelen buaban
juablokkupuudu .
***
Siämärven taloit
erähänny päivänny
tahtozin nähtä .
***
Čoma Vieljärven
kodi : šipainiekat sie
stolal höyrytäh .
***
Vie täydyy lundu
meijän taloin pihal hos
pakkaine myöstyi .
***
Tulou järilleh
pakkaine , lundu panou
susiedukyläs .
***
Talven viimu vai
puhuu – kaikin ystävät
ollah ken kusgi .
***
Kaži huogavuu
divanal , koiru vuottau
syömisty kuhn’as .
***
Läs valgei neče
tuhukuun tuulen tagan
olii täyzikuu …
Tuhukuun haikuloi
Livvi
New written Livvic