Texts
Return to list | edit | delete | Create a new | history | Statistics | ? Help
L’udmila Mehed. Čuašku
L’udmila Mehed
Čuašku
Livvi
New written Livvic
Pienes
keitändypertis , škuappazen piälimäzel pualičal oldih čuaškat da torielkat .Elettih net sovus , kolistih , paistih toine toizenke ehtil .Ižändäl oli yksi armas čuašku , suuri da levei .Čuaškan bokas oli piirustettu kukkazet .
Suuret da syvät torielkat oldih rokkah näh , keskisyvät – toizeh veroh näh , pienet bl’uudečkazet – čuajuh da jälgisyömizih näh .Ižändy ylen äijäl suvaičči omii astieloi da pidi niilöis huoldu .Ižändy pezi astieloi hyvin , pyhkii pehmiel käzipaikal da kabrasti škuappazeh .
Kerran illal čuaškat da torielkat ruvettih kiistelemäh , ken on ižändäle piälimäine da armahin .Čuaškat ruvettih kolizemah vienol iänel , gu ižändy suvaiččou niidy enämbäl , ga torielkat rämistih da väitettih , gu net ollah ižändäle armahembat .Čuaškat väitettih , gu ižändy niilöis juou morsuu , maiduo da vetty .Vezihäi on kaikile elävile tärgevin !Torielkat kolistih , gu ižändy syöy niilöis rokkua , lihua , kalua da ruahtuo ...Kaikkii nämmii syömizii sežo pidäy ristikanzale syvvä vältämättäh .
Kerran huondeksel ižändy kiirehti äijäl da petties sordi čuaškan lattiele da ...a-voi-voi !Čuaškal mureni ručkaine .
Ižändy nosti oman armahan čuaškan da murennuon ručkazen , pani stolale da sanoi :
– Nimittumua hädiä , kohendammo ehtäl .
Kogo päivän čuašku seizoi stolal da itki : sil oli ylen abei da yksinäholendu oli igävy .Torielkat nagrettih čuaškan piäle škuappazespäi .
Illal tuli ižändy , otti klein , kleičči čuaškan ručkazen .Ižändy pani oman armahan čuaškan ikkunpieleh , täytti mual da istutti sih čoman kukkazen .
Kukkazen lehtyöt oldih pehmiet da kirkahanvihandat , halvazet oldih valpahanruskiet .Se oli fialku .Čuašku ei uskonuh omua ozua , seizoi ikkunpieles , kačoi ikkunah , ihaloičči pilvii , lämbii päivypastos .
Muga čuaškal algavui uuzi elos .
Torielkatgi enämbiä ei kolistu sen jälles , konzu čuašku oli muuttanuh ikkunpieleh , ei rämisty enämbiä nikonzu .Murginanaijakse stolale puututtuu net kummasteltihes , kui čomeni päivy päiviä heijän endine susiedu čoman fialkanke .Konzu torielkat kerävyttih pezendän jälles škuappazeh , net hil’l’akkazin šupeteltihes čuaškan hyväs ozas .
Toiči yksinkerdazet dielot avavutah vuottamattomas puolespäi , maltanet kačahtuakseh niilöih tarkembah !
Čuašku
Livvi
New written Livvic
–