Texts
Return to list | edit | delete | Create a new | history | Statistics | ? Help
Sidorkin, Valerii. Pohjoismaijen netälit Petroskoissa
Sidorkin, Valerii
Pohjoismaijen netälit Petroskoissa
Karelian Proper
New written karelian
Enšimmäistä
kertua Pohjoismaijen netälit -festivali piettih šeiččemen vuotta takaperin Piiterissä , Petroskoissa , Murmanskissa ta Arhankelissa .Tapahtuma oli järješšetty Piiterissä ta Moskovašša olijien Norjan , Ruočin , Šuomen , Tanskan ta Islannin diplomattikuntojen ta kulttuuri-instituuttien alottehešta Pohjoismaijen ministerineuvošton ta alovehien kulttuuriministerijöjen tuvella .Pivon piätarkotukšena oli tutuššuttua Venäjän Pohjosen eläjie ylempänä mainittujen maijen istorijah , kulttuurih , perintehih ta nykyelämäh .
Tänä vuotena Pohjoismaijen netälit -festivali starttasi Petroskoissa 19.šulakuuta ta še jatkuu kuukauven ajan (20.oraškuuta šuaten ).Jo enšimmäini festivalipäivä oli pohatta tapahtumista .Pitoja oli järješšetty kaupunkin eri kentillä .
Kanšallisešša musejošša piettih Maagini Islanti -valokuvanäyttelyn avajaiset .A Petroskoin valtijonyliopistošša avautu valokuvanäyttelyn enšimmäini oša , kumpani kertou Norjan ta Venäjän tietehelliseštä ta ammattiyhteistyöštä Arktikašša .Valokuvanäyttelyn toini oša , mi kertou näijen maijen keškenäisvälien istorijašta Arktikašša , avautuu 28.šulakuuta Karjalan Kanšallisešša teatterissa .
Šamana päivänä oli järješšetty tapuamisie Norjan , Ruočin , Šuomen , Tanskan ta Islannin konsulattien johtajien ta etuštajien kera Karjalan halličukšešša , Petroskoin valtijonyliopistošša , Karjalan Kanšallisešša musejošša .
Norjan konsuli Katrin Netland ta Karjala-Norja -šeuran etuštajat käytih vierailulla šuomelaisugrilaisešša koulušša .Vierahat kerrottih opaštujilla Pohjoismaijen kirjallisuošta ta kulttuurista šekä piettih kanšallisien keittotapojen muasteri-oppija .Karjala-Norja -šeuran etuštajat yheššä Nuori lehtimieš -koulukerhon harjottelijien kera esitettih kouluratijošša ohjelma Norjašta .Norjan päivyä piettih šamoin M .A .Balakirevin taitokoulušša .
Pohjoismaijen netälien aikana on šuunniteltu pityä vielä äijän tilaisukšie .Festivalin puittehissa 30.šulakuuta Lotos-Plaza -kauppakeškukšešša pietäh Perehen Eko -päivä .Kauppakeškukšen lähellä mečiköššä avautuu Norway park -köyširata , lapšilla ta aikuhisilla järješšetäh polkupyörämatkoja šekä esitetäh Green Denmark -eko-ohjelma .A Maksi-kauppakeškukšešša šamana päivänä starttuau VII Barentsin Ekologini Kinofestivali .Netälin aikana , 7.oraškuuta šuaten šiinä esitetäh Pohjoismaijen filmijä .
Pohjoismaijen netälit Petroskoissa
Karelian Proper
New written karelian