Texts
Return to list | edit | delete | Create a new | history | Statistics | ? Help
Ol’ga Dubitskaja. Petroskois on sanottu vuvven 2016 paras kniigu
Ol’ga Dubitskaja
Petroskois on sanottu vuvven 2016 paras kniigu
Livvi
New written Livvic
Läs
60 julguamuo da ilmoihpiästäjiä organizatsiedu kilbailtih eriluaduzis nominatsielois da koiteltih suaja Vuvven kniigu -arvonimen .Kai kniigat oldih ozutettu kniiguozuttelus , kudai ruadoi Kanzallizes kirjastos kevätkuun 13.-26.päivinny , paiči sidä ruadoigi virtualline ozuttelu .
Kilvan hantuzis kirjastos oli järjestetty vastavundat kirjuttajien kel – Jelena Pietiläzen , Konstantin Gnetnevan , Jevgenii Pekin da Igor’ Vostr’akovan kel , piettih Jurii Šleikinan XX-vuozisadah ruadomatku - da Andrei Tsunskoin Räkki vezi-kniigoin prezentatsii .
Kilvas kaikkiedah oli viizi nominatsiedu , kudualois voittajat suadih diplomat da palkindot .Paiči sidä omat diplomat da palkindot oldih varustetut Petroskoin linnan administratsiel , Kul’tuuruministerstval , Luonnonrikkahuksien käyttämizen da ekolougien ministerstval da Kniigoin suvaiččijoin liitol .
Vuvven 2016 paras kniigu -tseremonii piettih Karjalan tazavallan Kanzallizes kirjastos 21.sulakuudu .Pidoh tuli äijy rahvastu – ministerstvoin da julguamoloin ezittäjiä , kirjuttajua , ekspertujoukkoloih kuulujua , lugijua .
Nominatsies “Paras kniigu karjalan , vepsän libo suomen kielel ” suadih Periodikajulguamon jullatut sanakniigat – Suuri ven’a-karjalaine sanakniigu , Suuri karjal-ven’alaine sanakniigu da Venäjä-viena šanakirja .
Parahakse opastuskniigakse rodih Svetlana Petr’akovan Kižin palitru - kniigu , kudai nägi päivänvalgien Kiži-muzein ilmoihpiästäjäs keskukses .Paras kniigu lapsih da nuorižoh niškoi -nominatsies rodih Veniamin Slepkovan kniigu “Šokoluadumuan vahnu starin brihačus , kudai ei suvainnuh šokoluadua ”.
Kniigu “Veran poigu : Robert Roždestvenskii da Karjal ” on sanottu parahakse nominatsies “Paras kaunisliteratuuru - da lehtikirjutus ”.Sen kniigan kirjuttajinnu ollah Marat Tarasov da Jurii Šleikin .
Luodehizen prouzan al’manuahu “Ruskeirindazet ”, kuduan luadijannu on Jana Žemoitelite , rodih parahakse nominatsies “Paras taidočomendamine da poligruafine ruado ”.
Petroskoin linnan administratsien erillizet palkindot suadih Mihail Gol’denberg da Jurii Šleikin kniigas “Petroskoi – voinan kunnivon linnu ”, Kul’tuuruministerstvu andoi palkindot Oniegan rannikon piirin vepsäläzien kylien myöte -kniigan luadijoile Natalja Anhimovale da Irma Mullozele .Kniigoin suvaiččijoin liitto andoi omat palkindot Leonid Avksentjevale kniigas “Pihkan pizar pölyhizel st’oklal ” da L’ubov’ Geras’ovale kniigas “Srodniki : myö olemmo Oniegantagazel lohkolpäi ”.Luonnonrikkahuksien käyttämizen da ekolougien ministerstval ollah palkittu Petroskoin valdivonyliopiston julguamo kniigas “Barentsevan meren Murmanskan rannikon kazvokset da jägälät ” da Periodika-julguamo Svetlana Berdovan kniigas “Puzuine ”.Erillizen diploman “Lugijoin mieldymys ” on suannuh Irina Vinokurova Vepsäläzien mifolougii -kniigas .Vuvven 2016 kniigakse on vallittu Marat Tarasovan da Jurii Šleikinan Veran poigu : Robert Roždestvenskii da Karjal -kniigu .Kai nämmä kniigat ollah Kanzallizen kirjastos da niilöi suau ottua lugiettavakse .
Petroskois on sanottu vuvven 2016 paras kniigu
Livvi
New written Livvic