VepKar :: Texts

Texts

Return to list | edit | delete | Create a new | history | Statistics | ? Help

Znamasine pühä aig

Znamasine pühä aig

Veps
New written Veps
Kevädel kaikid suremban praznikan om Äipäiv. Sen praznuičendan päivmär vajehtase. Äipäiv praznuitas ezmäižen pühäpäivän täuz’kudaman jäl’ghe. Siloi lopiše Sur’ Pühä da zavodiše keväz’arg, lihan söndan aig. Se jatktase Stroicanpäivähasai. Äipäiv praznuitas kogonaižen Pühän nedalin. Praznik zavodiše öl pühäkodihe kävundaspäi. Jumalahižed mehed mäneba pühäkodihe da ülenzoitaba pajoiš Iisusan eläbzumišt.
Äipäivän lämoil om sur’ znamoičend. Nece om Jumalan lämoi, miččen Hän andab rahvahale Iisusan eläbzoitusen simvolaks. Grecian da Venäman pühäkodiš sütutadaspühädlämoid, mittušt todas Ierusalimaspäi. Rahvaz viritab ičeze tohusid neciš lämoišpäi. Služban jäl’ghe ristitud otaba kerdale ičeze lampadoid lämoinke kodihe.
Venämal edel valdankumaidust da Päivlaskman maiš läz jumalanpertid tehtihe sur’ pažag. Ühtes polespäi sil oli mugoine-žo znamoičend, kut Äipäivän tohusel, lämoi om udištamižen simvol. Germanias da Grecias Äipäivän pažagad tehtasIudan poltandan täht”. Mugažo necenno pažaganno voiba lämbitadas nene ristutud, kudambad läksiba jumalanpertišpäi vai nene, ked völ ei ehtnugoi tulda sihe.
Suren Sobatan aigan da Äipäivän služban jäl’ghe papid tegeba loičendoiden abul vaumitud praznikaks da todud Jumalanpertihe sömäd pühäks.
Sanutas, miše Äipäivän muna znamoičeb Jumalan grobad. Irdpolespäi muna nägub kolnudeks, no südäimes se kaičeb ut elod, mitte lähteb sišpäi. Muna om udessündutamižen, eläbzoitusen simvol. Rat’kaigan ristitud lahjoičeba toine toižele mujutadud munid.
Aigoiš homendesel mugažo mändas pühäkodihe. Sigä om pit’kid loičendoid.
Enččel aigal pühäkodinno mužikad tehliba mujutadud muniden iškendoid. Praznikaližen longen jäl’ghe rahvaz mäni iloitelmahas irdale. Neciš päiväspäi i kogonaižen tulijan nedalin norišt kävui kellotamha pagastkelloihe, miše pigemba naida vai lähtta mehele.