VepKar :: Texts

Texts

Return to list | edit | delete | Create a new | history | Statistics | ? Help

Hutan D’oškan pereh

Hutan D’oškan pereh

Ludian
Southern Ludian (Svjatozero)
Nu sano Hutun D’oškan kodi?

Siid Miitrain nečen oli Hutun D’oškan kodi oli.

Hutun D’akun vel’l’i se oli, D’oška, hüö elettih D’akunkera Hutun D’akku da D’oška elettih, siid d’agettiheze, osobi kodit stroittih.

D’iäi se D’oška vahnale pomestale.

Häi oli nainu, Gordin D’akus, vot, D’urasovan Oguoin sen sizär, oli hänel miehel.

Siid oli hüö, siid elettih da ol’d’ih siit se kuoli muamah hänel d’iäi kakse tütärtte, muid ni ked ei d’iänü.

Se siid d’älgel vie D’oška se nai.

Oli vahnin tütär Mari tožo lidnah lähti tožo pahaz elaigaz ainos sigä lidnas kuharkuoičči da kai.

A toine oli Äpä-In’a, kielitüöi nemuoi.

D’oška siit se vie nai, otti Turkinan Ouduoin, otti Luas’s’ounan, nu siid Luas’s’ouna sih d’iäi, vierahid lapsit hänele pidänü ei.

A siid Äpä-ln’a tol’ko pogostal ainos kuharkuoičči da sigä ruadav midä Ort’uoin Ol’ešaz da nenis, D’emešinuoiz da kai da siid muga eläu.

Siid d’älgele vie mäni miehele, vie suai sanottih se Äpä-In’a nečen poigan di ülen hüvä brihačču kazvuoi hänel.

Oli tožo ukko, se nemuoi, dai iče nemuoi, a brihačun sanottih suai kani ei sua sanoda malttai miidne čoma on.

Entiä nügü hüö hengiz oldah vai kunna siid akuacaih lähtedih ka naverno hüö sinnä kai.

Miksebo häntte kučuttih Äpä-In’akse?

Ei häi voinu pagišta, kieli ej olnu.

Vai rubedau pagižemmah, ka sanou: ”Ei meiden nata, mui, mui, maju Anni muju” – vot nenga häi ainos sanuoi.

Küzütäh: ” In’a, äigo sinul on d’engat?”

Nos’t’a kopeikad da tüčči müčči”.


Vot nenga pagiži, entiä midä häi muga pagiži.

Ka mouže häi oli moinei rodinuheze oli, vot siksei kirguttih Äpä-In’akse häntte.

Семья Дёшки Хутун

Russian
Ну, расскажи о доме Дёшки Хутун?

Вслед за домом Мийтрия был дом Дёшки Хутун.

Дякку Хутун будет брат Дёшке, Дякку да Дёшка Хутун жили сначала вместе, потом разделились и дома построили отдельно.


Дёшка остался на старом месте.


Он взял жену из Дякку Гордин, вот, сестру Дюрасовой Огуой.


Они жили да были, потом жена умерла, у него остались две дочери, больше никого.


Потом Дёшка снова женился.


Старшая дочь была Мари, она тоже в город ушла, тоже плохо жила, всегда в городе была в кухарках.

А другую звали Апя-Иня, безъязыкая, немая была.


Дёшка женился снова, взял Оудой Туркину, взял Луасьевну, ну, Луасьевна тут осталась, чужих детей ему не нужно было.


А Апя-Иня в погосте все время в кухарках была, да работала у Олёши Ортюойн да у Демешиных, да так и жила.


После Апя-Иня замуж вышла, родила, говорили, сына, очень хороший мальчик рос.


Муж у нее был тоже немой, и сама немая, а мальчика, говорили, родила такого, что и описать невозможно, такой красивый был.


Не знаю, теперь они живы или нет, или ушли в эвакуацию, там, наверно, и остались.


Почему ее звали Апя-Иня?

Не могла она говорить, языка не было (немая была).

Как начнет говорить, то лишь произносила: «Не наша ната, туй-муй, маю Анни мую» – вот так она всегда лепетала.


Спросят: «Иня, много ли у тебя денег


«Ностя копеек да туччи муччи».


Вот так разговаривала, не знаю, почему она так говорила.


Может она такая и была отроду, вот поэтому и назвали ее Апя-Иня.