VepKar :: Texts

Texts

Return to list | edit | delete | Create a new | history | Statistics | ? Help

Valerii Sidorkin. Om nimitadud Karjalan kaikid parahimad kirjad

Valerii Sidorkin

Om nimitadud Karjalan kaikid parahimad kirjad

Veps
New written Veps
Sulakun lopus Karjalan Rahvahaližes kirjištos mäni XVIIIKarjalan Voden kirj-konkurs. Kuverz’-se kud žurijouk tundištihe kirjoihe, miččed läksiba eloho muloi. Konkursal oli ezitadud läz 400 kirjad. Parahimid kirjoid valitihe erazvuiččiš nominacijoiš: ”Parahim kirj karjalan, vepsän vai suomen kelel”, ”Paremba kaikid čomenzoittud kirj”, ”Parahim kirj lapsile da norile”, ”Parahim openduzkirj”, ”Parahim kirj čomaliteraturas”. Kirj, mitte sai äjak-se premijoid erazvuiččiš nominacijoiš, tegihe konkursan vägestajaks.
Kaik konkursale oigetud kirjad oli ezitadud kirjišton ozutelusel, kus kaikutte tahtnik voi kacta niid, pidäda kädes da lehtelda. Mugažo lugijad voiba valita kirjan, mitte heile oli mel’he enamba kaikid. Nece kirj vägesti nominacijasLugijan valičuz”. Eriži ozutelusen stendal oli literatur, mitte paindasPeriodika-paindištos. Neniden kirjoiden keskes olibaPagižem vepsäks-openduzkirj (N.Petrova da J.Haritonova), ”Holetoi aig-lugendkirj (G. Baburova), ”Itti-totti-runokogomuz lapsile (O. Žukova), ”Meceläjiden polhe-kirj pičuižile lapsile (V. Rogozina) da mugažoVerez tullei-al’manah.
Ühtniba konkursaha toižed-ki kirjad, miččed om omištadud vepsän kul’turale da tradicijoile, no ned om kirjutadud venän kelel. Niiden lugus om Z. StrogalščikovanВепсы в этнокультурном пространстве Европейского Севера”, miččes starinoitas vepsläižiden ühtnendas Venäman valdkundan tegemižehe. Oli ozutelusel toine-ki melentartuine kirjПименовы: династия предпринимателей, благотворителей, общественных деятелей”, mitte starinoičeb tetabas vepsläižes dinastijas Änižröunaspäi.
Vepsläižiden kirjoiden keskes nomenantaksParahim kirj karjalan, vepsän vai suomen kelel”- daParahim kirj lapsile da norile-nominacijoiš tegiheIttitotti”. Parahiman Karjalan Voden kirjan oli nimitadudPajun taimen-sarnoiden kogomuz, mitte oli paindudPeriodikasda miččes oli jo kirjutezKodima-lehteses.
Ozatelem vägestajid da toivotam niiden avtoroile satusid tulijas aigas.