VepKar :: Texts

Texts

Return to list | edit | delete | Create a new | history | Statistics | ? Help

Ol’ga Jeršova. Vepsläižiš-ki pagištihe Helsinkiš

Ol’ga Jeršova

Vepsläižiš-ki pagištihe Helsinkiš

Veps
New written Veps
Kezakun 5-6. päivil Suomes Helsinkin universitetas mäni tedoline seminar, miččen nimi oliMateriality of indigenous languages: co-creating landscapes” (Materialižuz igähižiden rahvahiden keliš: landšaftoid tegijad ühthižed kosketused).

Seminaraha ühtni tedomehid, oppijoid erazvuiččiš maišpäi: Venämalpäi, Suomespäi, Amerikaspäi, Šotlandiaspäi da Braziliaspäi. pagižiba siš, kut keled om sidotud materialižehe miruhu, miččid kosketusid om ristitun da londusen, hengiden keskes.
Seminaran vedäjan oli etnolog Laura Siragusa. Hän om hüvin tutab äjile vepsläižile, sikš ku äi kerdoid tuleskeli Petroskoihe, Piterin da Vologdan agjoiden külihe. Laura jo läz kümned vot tegeb oppindtöid, miččed om sidotud vepsän rahvahan elon azjoihe, kelen udessündundaha. Nügüd’ hän radab Helsinkin universitetas, ohjandab tedoprojektad, miččen pohjal i tehtihe nece seminar.
Petroskoišpäi seminarale tuli universitetan opendai, Kelen, literaturan da istorijan institutan tedoradnik Ol’ga Žukova. Laura da Ol’ga tegiba ühthižen ezitusen, miččes starinoičiba vepsläižiden puhegiden polhe. Kut vepsläižedpuhuiba puhegid”, miččid puhegid oli, niiden funkcii da sidopuhuda-verbaha. Ezitusen jäl’ghe oli äi küzundoid. Se ozuti melentartust neche temaha. Mirun äjil rahvahil om mugoine azjspravitada läžundoid puhegiden abul, no kaikuččes tradicijas om ičenaižid pirdoid, ned oma i vepsläižiden veroiš.
Vepsläine tem oli ezitadud völ ühtes seminaran dokladas. Estilaine Madis Arukask, mitte radab Tartun universitetas, sanui vepsläižes paimnes. Ende paimen oli znamasižen mehen küläs, pidi olda tarkan da tedajan, miše oikti tehta necen radon. Paimen mahtoi kožuda mecan ižandoidenke, paimendusen aigan hänel oli äi kel’dändoid, miččid ei sand mureta, miše kaik oliži hüvin.
Seminaran lopus oli joudai pagin, kus kaikutte voili sanuda ičeze meletusid temas. Se tuli äjile mel’hetedomehed da üläopenikad küzeliba, andoiba vastusid da pagižiba ühtes. Läz kutkümned mest ühtni seminaran radoho.
Mugoižed vastused oma ani tarbhaižed oppijoile mehile, sikš ku andaba uzid meletusid radon täht.