VepKar :: Texts

Texts

Return to list | edit | delete | Create a new | history | Statistics | ? Help

Iisus i Vel’zevul

Iisus i Vel’zevul

Veps
New written Veps
20 pördihe kodihe, i rahvast kogozihe möst muga äi, miše Iisus i hänen openikad ei voinugoi išttas sömha-ki.

21Konz Iisusan ičhižed kulištiba neciš, läksiba otmaha händast i sanuiba, miše hän om lähtnu melespäi.

22A käskištonopendajad, kudambad oliba tulnuded Jerusalimaspäi, sanuiba: "Hänes om Vel’zevul, i necen pahoiden hengiden pämehen vägel hän kükseb pahoid hengid."

23Siloi Iisus kucui heid ičezennoks i pagiži heile ozoitezstarinoil: "Kut soton voib küksta sotonan?

24Ku valdkund jagase i ridleb iče ičezenke, ka se valdkund ei voiškande enamba eläda, 25i ku kanz jagase, ka se kanz ei voiškande enamba eläda. 26I ku soton libub iče ičeze päle i ridleb ičezenke, ka hän ei püžuškande, i hänen lop om tulnu.

27Niken ei voi putta vägekahan mehen pert’he i anastada hänen kodielod, ku ezmäi ei sido händast. Vaiše siloi hän voib anastada pertišpäi kaik sijad.

28Todeks sanun teile: mehile pästtas kaik grähkäd i kaik pahad sanad Jumalad vaste, hot’ miččid oma sanunuded. 29No ken sanub pahad Pühän Hengen polhe, hänele igän ei linne prostindad. Hän om värnik i maksab igähišt sudad."

30Muga sanui Iisus, sikš ku oliba sanunuded, miše hänes om pagan heng.

Марк 3:20-30

Russian
20 Приходят в дом; и опять сходится народ, так что им невозможно было и хлеба есть.

21 И, услышав, ближние Его пошли взять Его, ибо говорили, что Он вышел из себя.

22 А книжники, пришедшие из Иерусалима, говорили, что Он имеет в Себе веельзевула и что изгоняет бесов силою бесовского князя.

23 И, призвав их, говорил им притчами: как может сатана изгонять сатану?

24 Если царство разделится само в себе, не может устоять царство то́; 25 и если дом разделится сам в себе, не может устоять дом тот; 26 и если сатана восстал на самого себя и разделился, не может устоять, но пришел конец его.

27 Никто, войдя в дом сильного, не может расхитить вещей его, если прежде не свяжет сильного, и тогда расхитит дом его.

28 Истинно говорю вам: будут прощены сынам человеческим все грехи и хуления, какими бы ни хулили; 29 но кто будет хулить Духа Святаго, тому не будет прощения вовек, но подлежит он вечному осуждению.

30 Сие сказал Он, потому что говорили: в Нем нечистый дух.