Texts
Return to list | edit | delete | Create a new | history | Statistics | ? Help
Pekka Mittojev. Yhtehini muisto yhistäy meijän muat
Pekka Mittojev
Yhtehini muisto yhistäy meijän muat
Karelian Proper
New written karelian
Voitonpäivän uattona Šuomešša
piettih kukkien lašentatilaisuot Talvišovašša kuatunuijen šotamiehien muistopaččahilla .Tämä perinneh ottau alun 1990-luvulta , konša Koštamukšen ta Kalevalan piirin šekä Kuhmon ta Šuomuššalmen välillä oli šolmittu yštävyšvälit .
Valtijorajalta Šuomuššalmen kuntah kulkou ikävän mainehen šuanut Raatteentie ta juuri 1990-luvulta alkuan tuon tien varrella šuomelaisien paččahien viereh alko ilmeštyö venäläisie ta ukrainalaisieki muistomerkkijä .Yhteheš tällä Šuomen šeuvulla on ašetettu yli kakšikymmentä muistomerkkie , mit liitytäh niih loittosih šotatapahtumih .
Talvišovan aikoina Raatteentien taisteluissa šekä taisteluissa Šuomuššalmen tienoilla Neuvoštoliiton kakši divisionie , kumpaset tällä rintamakaistalla oltih hyökkäyškannalla , oli mänetetty kauhien äijän šotamiehie .163.
tarkka-ampujadivisioni oli täyšin tuhottu talvikuušša 1939 ta 44.divisioni – pakkaiskuušša 1940 Raatteentiellä taistelujen jälkeh .Kaikkieštah tällä Talvišovan šotatoimien pienellä alovehella oli kuatun yli kymmentätuhatta puna-armeijalaista ta noin puolitoistatuhatta joutu šotavankiksi .
Tämän vuuvven šulakuun lopušša oli järješšetty yhtehini kukkien lašentatilaisuš kuatunuijen šotamiehien muistopaččahilla .Venäjän puolelta pitoh ošallissuttih Helsinkin VF :n šuurlähetyštön ruatajat , Koštamukšen kaupunkipiirin hallinnon etuštajat , Šuomen puolelta – Kuhmon ta Šuomuššalmen kuntien johtajat , šekä Šuomi-Venäjä -yštävyššeurojen jäšenet .
Yheššä hyö käytih laškomašša kukkie Venäjän , Šuomen ta Ukrainan muistopaččahilla .Meijän muanmiehet mainittih , jotta kaikki muistomerkit ta muistolauvat ollah oikein hyväššä kunnošša ta näkyy , jotta niistä pietäh hyvyä huolta .
Kukkien ta šeppelien lašennan jälkeh delegatijojen etuštajat vierailtih Raatteen Portti -musejošša , missä šuatih kaččuo Talvišovan tapahtumilla omissettuja näyttelyjä .Tapuamisešša kuulu rehellisie ta tärkeitä šanoja šiitä , jotta meijän maijen välisien hyvien yštävyššuhtehien šäilyttämini on ylen tärkie kaikilla Venäjän ta Šuomen eläjillä .
Yhtehini muisto yhistäy meijän muat
Karelian Proper
New written karelian