VepKar :: Texts

Texts

Return to list | edit | delete | Create a new | history | Statistics | ? Help

Natalja Antonova. Muamat, tuatat, buaboit da died’oit – kaikin kielipezäh!

Natalja Antonova

Muamat, tuatat, buaboit da died’oit – kaikin kielipezäh!

Livvi
New written Livvic
Mierole ravien viestin työtty Vieljärven Karjalan Kielen Koin seinih hommattu N’apukat-nimine kielipezä ruadau tostu kuudu. Täkse hyväkse sie piettih muga sanottu avvonazien veriälöin päivy. Ihan mit vai gost’at suadih kävvä sinne päiväčelleh, kaččuo omin silmin da olla joukos lapsienke. Kallehinnu vierahinnu oldih Kähärien pereh Varkauksespäi, kus lapset Juuli da Iivo paistah karjalua muamankielenny. Moizet harvinazet ezimerkit toven autetah kielipeziä. Anna lapset kuultah, ku karjal on lapsiengi kieli. Muamah Maria Kähäri toi pezäh niškoi tukun moniväristy čomastu, kudamii suau moneh luaduh käyttiä ruavos da ližäkse vie huavon bobastu.
TV- da raadivomiehet oldih ildugostinnu kuigin’apukkazienomat. Kielipezän listoil on kuuzi lastu, kuus liženi yksi. Jogahizen lapsen kentahto omis rakkahal tuli pezäh, suadih kuulta da paista sie karjalua. Erähät tuldih perehinnehgi. N’apukkazetpajatettih gostile Maman kevätpajozen Timo Rindehen peräh da lahjoitettih omin käzin luajittuloi kukkazii omile tulluzile. "Kylbie" karjalua ruavahilgi on kielipezän tavoiteh. Anna kielipezän kauti ruvettas pagizemah sidä omile lapsile. Vieljärven kielipezän lapsien vahnembat jo vähän maltetah sidä, ga buaboit da died’oit paistah vie.
Kezäkuun loppussah pezä ruadau vai puoli päiviäviizi čuassuu peräkkäi. Elokuun puolivälis šuorivutah jatkamah ruadočuassuloi kymmenessäh yömbäristös.