VepKar :: Texts

Texts

Return to list | edit | delete | Create a new | history | Statistics | ? Help

Sidorkin, Valerii. Rakas oniegantagaine mua

Sidorkin, Valerii

Rakas oniegantagaine mua

Livvi
New written Livvic
Jevgenii Šorohov on kuulužu Karjalan sportu- da poliitiekkualan ruadai. Eri vuozinnu häi oli Kanzallizen poliitiekan komitietan johtajannu, sportan da nuorižon azieloin ministran sijahizennu.
Juuri sportu vedi Šorohovanpajondorogale”. Puaksuh, turistumatkois olles, häi otti gituaran da robl’on rinnal istujes pajatti dovarišoile kui tundiettuloin runoniekoin, mugai omua pajuo. Enzimäi se oli mielužu nero.
Sit 2000-luvul peräkkäi ruvettih piästämäh ilmoih Šorohovan pajoloi CD-diskoil, mies pani muuzikale tundiettuloin karjalazien runoilijoin runoloi. Piätiemannu oldih liiriekku da Suuri Ižänmualline voinu. Vie yhtenny tiemannu rodieu Elias LönnrotanKalevala”, kuduan kiännettih Armas Mišin da Eino Kiuru. Enzimäi piäzi ilmoih CD-disku täyzi-igähizih niškoi, sit lapsih niškoi. Pidäy mainita, ku uuzien al’bomoin prezentatsielois ainos on äijy rahvastu.
Jo ammui Jevgenii Šorohov oli yhtevyksis Karjalan rahvahallizen kirjuttajan Ivan Kostinanke, kudai oli rodužin Oniegan tagazis mualoispäi. Erähät Kostinan runoloin pohjale kirjutetut pajot ollah CD-pajokogomuksis. Puolitostu vuottu tagaperin Ivan Kostin siirdyi toizele ilmale. Jevgenii Šorohov piätti omistua uuzi al’bomu Kostinan mustokse. Abuniekannu täs ruavos oli Ivan Kostinan akkuAili.
Enämbän vuottu luajittih uuttu diskua. Sen aranžirovščiekannu on Gennadii Razumejev da iäniohjuajannuSergei Požidajev.
Kaikkiedah uvves CD-diskas on 28 pajuo. Net on omistettu Oniegantagazele muale, sen luonnole, ristikanzoile, pyhäkohtile, itkettäjäle Irina Fedosovale da Kostinan akaleinkerinsuomelazele Ailile.
Uvven Rakas oniegutagaine mua -al’boman prezentatsii piettih ei muga ammui Karjalan valdivollizes filarmounies. Jevgenii Šorohov pajatti pajoloi da soitti gituaral. Konsertan tagaperänny oldih Karjalan fotokuvailijoin da taidoilijoin fotokupyvat da kuvat.
Joga pajuo kaččojat kuunneltih hyväs mieles, a jälgimäzen Oniegutagaine mua -pajon Jevgenii Akimovič pajatti yhtes zualas istujien kuundelijoinke.