Texts
Return to list | edit | delete | Create a new | history | Statistics | ? Help
Čirpi
Čirpi
Livvi
New written Livvic
Ennevahnas
ruistu ei leikattu – käzil nyhtittih .Mugai Kindahas ruattih .
Kerran tulou matkalaine , a rahvas , nyhtijät , oldih kyläs syömäs .Sil matkumiehel oli čirpi .Leikkai se mies lyhtehen , dai oman čirpin sih jätti , iče iäre lähti .
Tullah rahvas pellol , kačotah , ga mibo neče ?Ruis on muga hyvin leikattu !
– Kačos , mibo neče madozii ollou ?
Nečego rugehet leikkai , yksi mužikku virkoi .
Akku otti čirpin , rubei leikkuamah .Hyvin leikkuau !Ei ehtinyh ni lyhtetty luadie , ku käin leikkai .Lykkäi čirpin :
– Neče on koldovšiekku , ei pie sidä koskie !
Ruvettih rahvas smiettimäh : midä koldovšiekal ruadua ?
– Vedeh pidäy iäre panna , muite et sit piäze !
– A kuibo myö sen vedeh viemmö , ku kädeh ei sua ?
Tuodih nuoru , sivottih čirpi da davai randah vedämäh .A čirpi tartuu mättähäzih , kasekseh .Odva randah viettih .Löyttih rannal suuri kivi , sivottih nuoran toizeh agjah , murrettih kiven veneheh .
Sovvetah venehel keskijovel , štobi lykätä koldovšiekku vedeh .Riidavuttih – kudai enne heittiä vedeh – čirpi vai kivi ?Yksi sanou :
– Koldovšiekku pidäy lykätä !
– Ei , pidäy enne kivi !
– Ka davai lykkiämmö kiven !
Nostettih kivi venehen laijal da ku tuijatah vedeh !Nuoru se ku n’ulahtah , ga čirpi venehen laidah tartuigi .Veneh kuadui dai kai mužikat vedeh kirvottih .
– Sen kačo pravvan sanoimmo – neče on koldovšiekku , meidy tahtoi upottua !
Kodvu vie vies šlövistih , kuni randah piästih .
Čirpi
Livvi
New written Livvic
–
–