VepKar :: Texts

Texts

Return to list | edit | delete | Create a new | history | Statistics | ? Help

Mecas resttiba pajun

Mecas resttiba pajun

Veps
Central Western Veps
Olid- sin’a mecnikan?

Tatam minai oli mecnikan. Konz min’a olin’ pen’, siloi der’uunas oružjad oliba kaikil’. Tatam käveli mecoin’ kimale, tedren kimale. mam miil’ om mugoi, hän ii nimiččid’ linduid’, vaiše lihan min’ iče kazvatab, i se kanoid’ ii . Tatam tob linduid’, mam kiit’ab, a iče ii ota nikut. Min’a kut-se enambou kalaha kävelin’, a živatoid’ navedin’. Kaikes igas vaiše ühten mecoin’ rikoin’, i koir viž rebiti sorzad. A mecas kävelin’ mamoinke otmaha pajud. Oli mugoi aig, siloi dengoid’ samha käveliba äi mehid’, otmaha pajud. Raidoišpei resttäsoi pajun. Muštoho mäni, mišo lujas jüged rad, sen täht mišo pajun ottasoi junil’. Säskid’ töuz’. Mindai mam kaiken otli, tat-se radou. Mändas pejaks i korbes sigä, hän restab, a min’a sidolen. Säsked södasoi muga, a rindou ni joged, ni järved. Konz järv-se rindou ka mam pästli kaladamha. Sizar’ oli mugažo. Sizar’ kerdan läksi i segoi. Jäl’ges kut-se päzui mecadme Ojatile i jogedme tuli. Mam jo voiki i rahvast kerazišoi ecmähä.

Hiil’ oli vuu mugoi slučai. Mam sizarenke asttasoi i tačiše vastha mitte-se živat. Sizar’ sanub: «Mam kacu hebo astub». A mam sanub: «Tas’oi, nece ii hebo, se kondi». Ani tedme vastha hiile astub. Hiidenke ičemoi koir oli, Šarik, i vuu Mišan koir Taimir, kaika miideke mecha käveli. Miide Šarik nägišti kon’d’jan-se i mamale jougoide keskhe, mišo piittäs. A nece Taimir paha oli, hän nutandanke kon’d’jannost i Šarik-ki jäl’ghe. Muga kon’d’jan kiksiba.

Pajun-se kuna andoiba?

Pajul siloi saliba dengad, čomad dengad, kuks’, kuume, nel’l’ sadad rubl’ad. Radod oli äi. Kirvhel čapeltas, sanktad erased raidad, resttas. Kuivatada vuu tariž, sidoda, panda kogoihe. Jäl’ges vuu lüuta traktor mišo vedada külähä. Ladvas sigä loukanno siižui mugoi pres, kudambaha kaik sidotud käčud panda, presuida, jäl’ges varastada konz mašin tuleb loukha, mašinaha grust’a kaik, i maksoiba dengad. Nene dengad mam i tat paniba zberkasha kniškale, jäl’ges sigä kaik dengad kadoiba, kimnele tuhandele rubl’ale.