VepKar :: Texts

Texts

Return to list | edit | delete | Create a new | history | Statistics | ? Help

[Ves’s’in učiit’el’an kir’ja]

[Ves’s’in učiit’el’an kir’ja]

Karelian Proper
Vesyegonsk
Soveckoin vli̮as’t’in aigah muwttu el’än’d’ä Ves’s’in raijonašša.

Tuhatta kahekšanšadi̮a yheks’änkymmen’en’ä vuodena z’emstvan oččottoida myöt miän, Ves’s’in ujezdašša ol’i kaks’ikymmen’d’ä procenti̮a heboz’ettomi̮a taluo, n’el’l’ätois’t’a procenti̮a l’ehmät’t’ömiä, ol’i šada n’el’l’äkymmen’d’ä kaks’i tuhatti̮a kyl’äs’s’ä el’äjiä, n’iis’t’ä en’ämbi tuhatti̮a mies’t’ä pakkuojas’t’a.

Tuhatta yhekäs’än šadi̮a viijen’d’en’ä vuodena Ves’s’in z’emskoi upri̮ava lugieči gubern’ijaššahurana”.

Upri̮ava kir’jutti mužikoilla obraščen’jan s’en aijan Ras’ein az’eih n’äh, mis’t’ä s’yit kolme čl’eni̮a oldih suwd’ittu i s’n’imit’t’y s’ijoilda.

L’ykät’t’ih či̮ar’in. Ti̮aš vli̮as’t’i Ves’s’is’s’ä puwttu bohatoilla, a ei ri̮adajalla rahvahalla.

Okt’abr’skoin r’evol’ucijan jäl’geh vli̮as’t’in Ves’s’is’s’ä otettih sovietat.

S’iks’i aigi̮a tuldih frontalda saldi̮atatkomun’istat, kumbaz’et i l’ykät’t’ih Ker’enskoin vli̮as’t’in.

Ujeznoin sovietan en’z’imän’e preds’edi̮at’el’a ol’i Gr’igor’ii T’eren’t’evič S’t’epi̮anova, kumban’e toiz’inke komun’istoinke alotti strojie uwtta el’än’d’iä.

Ves’s’in ujeznoin gaz’ietan redaktora Al’eksandra Todorskoi kn’iigaššaVuoživintofkanke i pluwgankekir’jutti, kuin n’iih aigoih ri̮attih en’z’imäz’et Ves’s’in komun’istat.

T’ämän kn’iigan s’illoin lugi L’en’ina, i hiän kiit’t’i ves’s’il’äz’ie.

L’enina main’ičči Ves’s’in komun’istoida yksitois’t’annella s’jezdalla i n’ewvo opaštuo ves’s’il’äz’is’t’ä.

N’yt kres’t’anat kaikin ollah kolhozoišša.

Kolhozn’ikka on piäs’s’yn äijis’t’ä huol’iloišta.

Kolhozn’ikalla kois’s’a on lat’t’iet kri̮as’ittu, s’eižotah kravat’it, d’ivanat, pajattaw rad’ivo, a äijis’s’ä kolhozoišša on i el’ektr’iičestva.

Harva mis’s’ä on viel’ä pert’it pit’inke lawčoinke yl’či s’ein’in.

Nuor’iz’o gul’an’jalla šuor’iečow šargah i šulkuh, ajaw velos’ipiedoilla, ein’in i motocikloilla.

Muwttu i vero per’ehes’s’ä, rahvaš s’ywväh hyvin.

Čiis’is’s’ä ollah miehet, kumbaz’et hyvin ri̮atah. Kaikella Ves’s’in raijonalla on kuwlovalla traktor’ista F’owdorova, kumban’ebelarus’traktoralla kynd’i tuhatan yks’itois’t’a gektari̮akaks’i vuwven normi̮a.

T’än’ä vuodena paraš dojarka on Šuwt’ina Lobn’ovan fermalla.

Hiän l’yps’i jogo l’ehmäs’t’ä en’ämmän kolmie tuhatti̮a l’itri̮a.

Kuwlovalla ollah traktor’istat Volkovat, vel’l’eks’et, i Pokkin’en, mašinovieda Cvetkova, dojara-paimen Buskina, pt’ičn’ica Vas’il’jova.

Kolhozašša ,,Zvezda“ Ogn’iišinan fermalla kaččow kanoida Pol’ina Vas’il’jova.

N’i kel’l’ä raijonašša kanat ei mun’ita s’en verdi̮a jäičiä, kuin hän’el’l’ä.

T’än’ä vuodena hän’el’l’ä jogo kanan’e mun’i šada viiz’ikymmen’d’ä jäičiä.

Mašinovieda Vas’il’ii Cvetkova on jo mon’i vuotta raijonašša kuwlovalla, kuin paraš mi̮as’t’eri mašinoida myöt.

Hän’en luoh ajellah toiz’et mašinoviedat opaštumah.

Paimen N’ikolai Buskina en’z’imän’e mužikois’t’a raijonašša rubei l’ehmie l’yps’ämäh.

Hiän paimendi sti̮adi̮a i l’yps’i l’ehmie.

L’yps’än’d’ä lugieči naiz’in az’ieks’i.

A hiän jo toin’e vuoži paimendaw i l’yps’äw kahekšantois’t’a l’ehmiä.

Hän’eh kaččuon i kolhozaššaVerni̮i put’paimen Šabi̮anova rubei l’ehmie l’yps’ämäh.

L’ehmin l’yps’än’d’ä l’ien’i i mužikoin az’ie!

Gaz’ietaššaVes’jegonskaja prawdaomah ri̮adoh n’äh Buskina kir’juttaw: ”Toin’e vuoži mie t’äwt’t’el’en omi̮a gruppi̮a l’äht’emis’t’ä.

S’ygyz’yl’l’ä val’l’ičen parahie važoida, talven i tul’ijankez’än iče s’yöt’än i juotan heid’ä, štobi oldais’ l’ihavemmat.

T’än’ä vuodena miwla ol’i viiz’i l’äht’emiä.

Konže hyö kannetah, vahnat l’ehmät ši̮atamma zagotofkoih, a hiän s’ijah s’eižatamma nuoret.

N’iinžo ri̮atah i toiz’et dojarkat miän fermalla.

N’yt miwn grupašša on viiz’i l’äht’emiä i kahekšantois’t’a l’ehmiä...“.

Meid’ä Ves’s’in raijonašša viel’ä i s’e ihaššuttaw, što nuor’iz’o školan loppehuoh ei aja l’innoih kebied’ä el’än’d’iä eččimäh, a aštuw kolhoznoilla ri̮avolla.

Meil’ä kuwlovalla on dojarka L’ida Šuwt’ina.

Konže hiän loppi d’es’t’il’etkan, rubei kolhozašša ri̮adamah.

Hiän n’yt zaočno opaštuw zoot’ehn’ikumašša.

Myö, sovetskoi rahvaš, tahomma ri̮adia hyvin, štobi t’er’iämme tulla komun’izmah.

[Письмо весьегонского учителя]

Russian
Во время советской власти изменилась жизнь в Весьегонском районе.

По отчетам земства, в нашем Весьегонском уезде в 1890 году, было 20 процентов безлошадных хозяйств, 14 процентов бескоровных, было 142 тысячи сельских жителей, из них больше тысячи нищих.

В 1905 году Весьегонская земская управа считалась в губернии «левой».

Управа написала мужикам обращение про тогдашние дела России, за что три члена [управы] были осуждены и сняты с должностей (‘мест’).


Спихнули царя.

В Весьегонске власть опять попала к богатым, а не трудовому народу.


После Октябрьской революции власть в Весьегонске взяли Советы.


К тому времени с фронта прибыли солдаты-коммунисты, которые и свергли власть Керенского.


Первым председателем уездного Совета был Григорий Терентьевич Степанов, который с другими коммунистами начал строить, новую жизнь.

Редактор весьегонской уездной газеты Александр Тодорский в книге «Годс винтовкой и плугом» писал, как в те времена работали первые весьегонские коммунисты.

Эту книгу тогда про-читал Ленин, и он похвалил весьегонцев.


На Одиннадцатом съезде Ленин упоминал весьегонских коммунистов и предлагал учиться у весьегонцев.


Теперь все крестьяне находятся в колхозах. Колхозник избавился от многих забот.

У колхозника в доме полы крашеные, стоят кровати, диваны, говорит (‘поет’) радио, а во многих колхозах есть электричество.


Редко где еще имеются избы с длинными лавками вдоль стен.


Молодежь на гулянье одевается в шерстяное и шелковое, ездит на велосипедах, а то и на мотоциклах.


Изменилась и пища в семье, народ ест (‘едят’) хорошо.


В почете люди, которые хорошо работают.

На весь Весьегонский район прославился тракторист Федоров, который на тракторе «Беларусь» вспахал 1011 гектаровдве годовых нормы.


В этом году лучшей дояркой является Шутина на Лобневской ферме.


Она от каждой коровы надоила свыше трех тысяч литров.


Славятся трактористы братья Волковы и Поккинен, механизатор (‘машиновед’) Цветков, пастух-дояр Бускин, птичница Васильева.


В колхозе «Звезда» на Огнищинской ферме смотрит за курами Полина Васильева.

Ни у кого в районе куры не несут столько яиц, сколько у неё.


В атом году у нее каждая курочка снесла по сто пятьдесят яиц.

Механизатор Василий Цветков уже много лет в районе славится как лучший специалист (‘мастер’) по машинам.

К нему ездят другие механизаторы учиться.


Пастух Николай Бускин первый из мужчин в районе стал доить коров.

Он пас стадо и доил коров.


Доение считалось женским делом.


А он уже второй год пасет и доит восемнадцать коров.


На него глядя, и в колхозе «Верный путь» пастух Шабанов стал доить коров.


Доение коров стало и мужским делом!


В газете «Весьегонская правда» про свою работу Бускин пишет:
«Второй год я пополняю свою группу коров нетелями.


Осенью я выбираю лучших телят, зиму и следующее лето сам кормлю и пою, чтобы были упитаннее.


В этом году у меня было пять телок.


Когда они отелятся, старых коров сдадим на мясозаготовки, а на их место поставим молодых.


Так же поступают и другие доярки на нашей ферме.


Теперь в моей группе пять нетелей и восемнадцать коров…».


Нас в Весьегонском районе еще и то радует, что молодежь после окончания школы не уезжает в города искать легкую жизнь, а идет на колхозную работу.

Прославилась у нас доярка Лида Шутина.


Когда она окончила десятилетку, стала работать в колхозе.


Она теперь заочно учится в зооветеринарном техникуме.


Мы, советские люди, хотим работать хорошо, чтобы скорее прийти в коммунизм.