VepKar :: Texts

Texts

Return to list | edit | delete | Create a new | history | Statistics | ? Help

Levoskan D’oškan pereh

Levoskan D’oškan pereh

Ludian
Southern Ludian (Svjatozero)
Nu a D’oškan pereh miituine oli?

A D’oškam pereh tožo kačo se...

D’oška se ku häi lidnaz burlakuoičči, da oli, siid häi... Märändüz, entiä kuz on Märändüs, emminäni tiedä miidn on i Märändüz dai kai, kus s’everal vid’ on se Märändüs külä.

Vot siit häi tägä lidnas ku burlakuoičči, siid häi znakomiiheze se... se, entiä mikse kirguttih akkad em voi sanoda sidä näid, emmušta.

Siid hüö tul’d’ih Petrouskuoile elämäh.

Da siiten vähäine vie d’agettih da peldod da kai da siit.

Eini müm mändü hüö neččih poigakse ni kunna oli D’akun Fedor, vot D’akun Timuoin oli, vel’l’i Fedor eli niemel, agd’as.

Siid häi mäni se D’oška sinn elämäh... neččih poigakse.

Fedorihke kuoli... eini kuolnu, hänele kodin sem müöi.

Fedoran kodin da sih lähti se D’oška elämäh sen akan kera, en’t’iä mikse kirguttih Märändüksez otettu, lüudiküöi oli kem minä, mušta müö.

Siid hüö zavodittih siid elädä D’oškan kera, siid D’oška zabol’eel.

Vie oli lapsed suai, D’oškan suai, siit suai Paušin, siit suai Min’kan, siit suai Ser’gäin.

Tütärtt ielnu, n’el’l’ poigad oli, vot.

Siid D’oška se kuoli, bol’n’uoi häi oli.

Aperacii entiä kui azuttih, sit kuoli.

Siid D’oškan akke se si d’iäi üksin elämäh.

Nu d’o siid d’o kačo rodittiheze ned elaigad...

Da eletäh sih Fedoran kodis n’okal.

D’o lapsed net suuret, školih kävüttih da kai.

Siid heil se kodi paluoi.

D’o onnako kolhozad rodittiheze, vot vuozit sidä emmušta, paluoi kodi.

Min’ka d’o oli ščotovodannu kolhozaz.

Nu, a Paušši se siid entiä, Paušši lähti tožo burlakakse.

D’oška siiten oli.

A S’er’gii lähti Priäžäs, burlakuoičči, burlakuoičči da Priäžäh oman kodin sroii, sigä nai da siiten tožo.

Dus’a se oli poštat kanduoi, otti mučuoikse Dus’a.

A Ser’gei tožo oli operacaiz, entiä mi heil oli bol’ez’n’uoit, Kuoli.

Oman kodiižen sroii Naberežnuoil, siid eli.

I d’iäi hänes poige vai entiä mi da siid Dus’a se mučuoi d’iäi elämäh.

A siid se, kačo, Min’ka voinale tapettih, Paušši kuoli.

D’oška tožo kuoli, voinale tapettih vai türmäh, vain entiä kunna.

Da siid muamo se kuoli.

Muga heiden se prikol’enii sih lopiiheze.

Da kodi se Fedoran andettu kristaaradi paluoi, nu.

I sil sial enämbi ni olnu ni midä ei.

A siit Tin’t’un sih rindale Troškovan Vas’a stroii kodin.

Семья Дёшки Левоскан

Russian
Ну, а какая была семья Дёшки Левоскан?

А семья Дёшки...

Дёшка в городе бурлачил, потом он... Мяряндус, не знаю, где находится и какая эта деревня Мяряндус, где-то на севере ведь находится деревня Мяряндус.

Он здесь в городе работал, потом познакомился с... не знаю, как звали жену, не могу сказать этого, не помню.

Потом они переехали жить в Петрозаводск.

Они еще делили поля да все.

На мысу, в конце деревни жил Дякун Федор, брат Тимуоя Дякун.

Так вот, Дёшка ушел туда жить [приемным сыном]... нет, не приемным сыном.

Федорихка умерла...
не умерла, а ему дом продала.

В тот дом Федора и ушел Дёшка с этой женой жить, не знаю, как ее звали, из Мяряндуксы была взята, она карелка-людик была, но ее имени я не помню.

Они начали тут жить с Дёшкой, потом Дёшка заболел.

Она родила [сына] Дёшку, затем родила Павши, затем Миньку, затем Сергея.

А дочерей не было, четыре сына было.


Потом Дёшка умер, больной он был.

Операцию как-то, не знаю, сделали, и он умер.

Жена Дёшки одна тут осталась жить.

Ну, а после наступили эти времена...

Они жили в доме Федора в конце деревни.

Дети уже выросли, школу окончили.

Потом их дом тот сгорел.

По-моему, уже колхозы образовались, годов тех не помню, когда сгорел дом.

Минька был счетоводом в колхозе.

А Павши не знаю где, Павши ушел в бурлаки.

Дёшка тут остался.

А Сергей в Пряже работал, в Пряже свой дом построил, там и женился.

Дуся была жена, почту носила, он взял ее в жены.

Сергей тоже был на операции (не знаю, что за болезнь у них была) и умер.

Свой домик построил на Набережной и тут жил.

От [Сергея] остался сын или кто, не знаю, а жена Дуся осталась тут жить.

А после Миньку на войне убили, Павши умер.

Дёшка тоже умер, на войне убили или в тюрьме умер, не знаю.

Потом мать умерла.

На том все их семейство и кончилось.

Дом Федора, отданный им христа ради, сгорел.

На том месте больше ничего не было.

А потом Вася Трошков тут рядом построил дом.