VepKar :: Texts

Texts

Return to list | edit | delete | Create a new | history | Statistics | ? Help

Irina Sotnikova. Karjalan čomuz’ runoiš

corpus: Journalistic texts

Source:
Kodima. № 6, 2020, p. 5

Irina Sotnikova

Karjalan čomuz’ runoiš

Veps
New written Veps
27. semendkud, Kaikenvenäman kirjištoiden päivän, mäni karjalaižen runotusen praznik ”Lidnas P.”, mitte oli omištadud 100-voččeks Karjalan jubilejaks. Praznikan sädajin oliba Karjalan valdkundan Kirjišton associacii i kirjištod erazvuiččiš Petroskoin lidnanlaptoišpäi. Vepsän kul’tursebr mugažo ühtni neche online-marafonaha.
Karjalas om äi runoilij oid, kudambad kirjutaba runoid erazvuiččil rahvahaližil kelil: karjalan, vepsän, suomen, venän kelil i toižiden rahvahiden kelil. Erased runoilij ad oma tetabad kaikes Karjalas, a ken-se vaiše zavodib kirjutada runoid vai muite navedib lugeda runoid, no kaikid niid ühtenzoitab sur’ armastuz čomaha Karjalaha. Runotusen marafon ühtenzoiti eri-igäižid runoilijoid oid, literaturkluboiden ühtnikoid Petroskoišpäi, Oloncaspäi, Kondopogaspäi.
Runoid vepsän kelel lugiba Vepsän kul’tursebran ühtnikad – Rahvahaližen redakcij an radiokorrespondent, ”Kodima”-lehtesen toimitai Darja Švecova da Karjalan Rahvahaližen teatran aktrisa Aleksandra Aniskina. Molembad marafonan ühtnikad oma vepsläižed. Hö navediba ičeze kodikel’t i lujas holduba vepsän rahvahan kelen i kul’turan kaičendas da kehitoitandas. Neiččed lugiba Alevtina Andrejevan runoid, miččed starinoičeba Karjalas, sen čomas londuses, armhas Änižes...
Runotusen marafon lopihe ”Randaine”-sebran ezitusel i toi hüväd mel’t kaikile kacujile. Mö nadeimoiš, miše se tegese hüväks tradicij aks meiden Karjalas!
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages