Texts
Return to list | edit | delete | Create a new | history | Statistics | ? Help
Valentina MIRONOVA. Iivanankylys opi lembie nostua
Valentina MIRONOVA
Iivanankylys opi lembie nostua
Livvi
New written Livvic
Karjalas
pravoslavnoin kalenduaran mugah 7.päivy heinykuudu on Iivananpäivy .
Uskottih , gu tämän päivän jälles vezi järvilöis lämbiey da voibi kezoile mennä .Vie sanotah , gu kai toizen mieron eläjät , luonnonižändät , karut da pahalazet , kävelläh täl aigua muadu myöte .Nuorižo vuottau nämii päivii , gu vois yhteh kerävyö , tansie da pajattua .Ennevahnas Iivananpäivän yöl tiešuaroil tytöt da brihat vahnoih puuvenehih luajittih tuli , sit sen piäliči hypittih .Vie musteltih , ku Iivananpäiviä vaste nuoret brihat kerättih yhteh vahnat adrat da astavat , viettih net meččäh mägyričäle da poltettih .Uskottih , gu savus olles kai paha iäre lähtöy .A Iivananyöl tulet palettih kaikkiel , poltettih vahnoi aidoi , astavoi , puulomuloi .Dai sie nuorižo hyppi tules piäliči .
Iivananpäivän da Perdunpäivän välil on semmoine aigu – Viändöi .Vahnat rahvas mustellah , gu täl aigua lembie nostettih , ken kui maltoi .Sanotah , gu pidäy aijoi huondeksel , kuni rahvas vie muatah , kävvä vetty järves ottamah , sie sil viel silmät pestä da sanuo :
Nouze lembi liekkumah
Kunnivoine kuulumah
Annil (tytön nimi ) ristikanzal .
Viändöin aigua voibi vie kylyh kävvä , keräle pidäy ottua puun lehtilöis da kukkazis lua jittu vastu , kylbevyö sil vastal da lykätä se levole .Sanotah nengagi lembi nouzou .
Ennevahnas Iivananpäiviä vaste tytöt käydih kastettu keriämäh heinien piäs , keräiltih da lugiettih :
Kuni kaste heinäs
Sini kassu selläs …
Viändöin aigua tyttölöin kois ikkunan ulgopuolile pandih käzipaikkoi .Sitgi lembi nouzou .Sanotah vie voibi Iivananpäiviä vaste muilua panna sen taloin peldoh , kus briha eläy .Perdunpäiviä vaste yöl muilu otetah da sil silmät pestäh , buitegu lembi kohenou .
Toiči neidizet luajittih peldokukis da tiähkilöis venkoi , laskiettih net järveh libo jogeh da kačottih , ku loitos se menöy – sit terväh piäzet miehele , a ku pyzyy rannas – täl vuvvel ei pie vuottua sulhazii .
Tiijattögo työ , mi on lembi ?Erähät sanotah , ku lembi on tyttölöin libo brihoin hyvät puolet (čomaluadužus , kodiruadoloin malto ), tytön kuulužus , tytön oza .Toizet uskotah , ku se on suvaičus , erinomaine nägemätöi vägi , konzu tytön rinnal ainos on poigii .Sidä lembie ei sua nähtä , eigo kuulta .Vahnat rahvas sanotah , gu “lembi on omas kieles , omas jallas , omas jälles ”.Libo primietittih , ku “lembi nägyy tytöl silmis .Vai ollet boikoi da vessel – dai lembi ...Tyttölöil on lembi kieles ”.Toizet mainittih , ku lembi on nenäs .Se nenäsana merkiččou luonnehtu , tabua , mustattohäi sanondua “ei mennyh hänen neniä myö ”.Sanottih , ku tytön lembi on käis , omas ičes , omas eländäs , omas tavas , omas ičenpiändäs ”.Ičegi ajatelkua , mibo se lembi on .
Yhtel pidäy sidä nostua da kohendua , toizet ni huolessah ei olla , ei uskota sih .
Viändöi on paras aigu , konzu vois oppie nostua omua lembie , kai luonnonižändät mielihyväl tullah sinul abuh .Tärgei kezäpruazniekku lähenöy , voimmo iče kaččuo , auttaugo lemmennosto nuorile tyttölöile .
Lämmitäkkiä Iivanankyly , ottakkua keräle vastu da sit piäzettö arvokkahikse neidoloikse .
Iivanankylys opi lembie nostua
Livvi
New written Livvic