VepKar :: Texts

Texts

Return to list | edit | delete | Create a new | history | Statistics | ? Help

Nina Arhipova. Pisara-matkalaini. 1

Nina Arhipova

Pisara-matkalaini. 1

Karelian Proper
Šuon rannalla kivien välissä oli pieni hete, šitä ei näkyn pajukošta. Hettieššä oli šyntyn ta eli pieni läpinäkyjä Pisara. Mistä Pisara oli ilmeštyn, hiän iče ei tietän. Višših oli uinun mistänih muan alta. Nyt Pisara ihmetellen tuttavuštu luontoh, kiinnоštunuona kaččeli ympäristyö ta kuunteli lintujen lauluja. Hänen mieleštä ympärillä kaikki oli mukava. Pieni Pisara oli oikein utelijaini.
Oli lämmin kešä. Yhtäkkie Pisara näki skokunan. Še hyppeli märältä mättähältä mättähällä, šiitä istuutu vähäsen levähtämäh ta lämmitteliytymäh ta i n’ukahti. Pisara ruttoseh ui šen luo ta tarttu käpäläh. Še halusi hypellä skokunan kera.
Niin meijän Pisara skokunan käpäläštä joutu puroh.