VepKar :: Texts

Texts

Return to list | edit | delete | Create a new | history | Statistics | ? Help

Galina Baburova. Koditusk

Galina Baburova

Koditusk

Veps
New written Veps
Kuti oja elo jokseb,
Voded lendaba, kut lind.

Minun henged tahtüks’ koskeb
Tacta nece veraz lidn.


Küläs putun kuti sarnha,
Kus laps’aigad mänetin,
Kus vändin ezitanhal,
Tärktoiš azjoiš meletin.


Päčile libuin ehtal,
Kundlin baboin starinoid:
Kutak katl’as zel’l’oid keiti
Meiden mecas eläi noid.


Kut i ende, nügüd’, nacein,
Kaikjal sigä puhtaz il’m.

Miše nenid sijoid tacin,
Iče ičtain väritin.


Kalliž sija, armaz külä!
Henghe vägid sigä sad.
Ajan minä kodimale!
Kus om minum mam i tat.