VepKar :: Texts

Texts

Return to list | edit | delete | Create a new | history | Statistics | ? Help

Jakovlev Sergei . Tule huomena

Jakovlev Sergei

Tule huomena

Karelian Proper
New written karelian
Šurma tuli miehen luoksi:
Šukkelašti šuorie!

Lahemma nyt täštä poikeš,
Piäše omah vuoroh!”


Mieš še juštih murkinoičči,
Šanou: “Vähän vuota!

Etkö kuullun, jotta šurma
Stolašta ei ota?”


Še on tosi, šen mie tiijan.
Miula vain on pakko
Vielä kaupunkista viija
Kakši vanhua akkua”.


No ni rauhašša šie mäne,
Elä milma vuota.

Huomena vain tule tänne,
Hevoistietä myöten!”


Tulou huomena, ta kaččou:
Stolatäyši šyömistä.

Mieš vain koputtelou vaččua,
Karjuu: “Tule huomena!”


Šurma smiettiu: “Vuota, käšnä!
Nyt mie šiula näytän!
Tulen kahen päivän piäštä,
Otan omih käsih!”


Ylihuomena še tuli
Ei niketä ole!

Pihua myöten juokšou tuuli,
Lukušša on ovi.


Šurma viikatehta kuappai,
Pani laukun šelkäh.

Veräjissä riippu lappu:
Tule toičči eklein!”