VepKar :: Texts

Texts

Return to list | edit | delete | Create a new | history | Statistics | ? Help

Jakovlev Sergei . Kanšallini kipu

Jakovlev Sergei

Kanšallini kipu

Karelian Proper
New written karelian
Kuuluu, torilla kello heläjäy,
Tuli meijän luo uuši elämä.

Rahvaš keräyty kylän čokalla,
Kekši ruatua hyö koko joukolla.


Pieni tyttöni järven rannalla
Keryäy kukkija, laulau lauluja.

Erämiehillä eipä miellyttän
Tämä toimituš, uuši elämä.


Pantih eväštä šelkälaukkuloih,
Yöllä karattih toiseh valtijoh.

Tyttö kaččelou pitin pihoja,
Näkyypuoleni kylän ihmistä.


Rahvaš melutah, kylän eläjät,
Toini toisella tultih vierahat.

Ennein šovittih yhteh veneheh,
Nyt hyö šouvetah aivan erikseh.


Tyttö muhahtau, nuori-ikäni,
Mutta laulu nyt kuuluu ikävä.

Tultih jälelläh, kyläh myöššyttih
Pakolaiset ne, šamat ryöštäjät.


Pieni äpäreh šeisou polvilla,
Tuatto tapettih, talo poltettih.

Muamo vejettih heinälatoseh,
Šielä voimalla pahua luajittih.


Tuaton heponi vietih tallista.
Tuuli pihašša lunta val’l’aštau.
Itköy tyttöni, koirua šilittäy,
Čieppi koiralla kaklua kuristau.


Mäntih kuiteski rosvot vierahat,
Vaikka entiset kylän eläjät.

Jiätih elošša vanhat akkaset,
Kaikkie elojatyhjät vakkaset.


Elä lopeta, laula tyttöni,
Kuuluu loittoseh iäni kultani.

Ristikanšani još vain unohtau
Täštä laulušta kaikki muissuttau.