Texts
Return to list | edit | delete | Create a new | history | Statistics | ? Help
Enžimäne piä
Enžimäne piä
Karelian Proper
New written Tver
1 Algu
Šyndyruohtinan Jumalan Poijan Jovangelie ,
2 Kuin on kirjutettu Prorokoissa : Ka Mie työnnän iellä Šilma Miun Angelie , kumbane Šiun ieššä valmistau Šiun tien .
3 Mögizijän iäni šalošša : Valmistаkkua Herran matka , oijendakkua Hänen tiet .
4 Rissitti Iivana šalošša , i šaneli riähkien šanomizen rissittiäčendiä riähkien jättämizeh .
5 I käveli hänen luo kaikki Iudejan randa , i Ijerusalimašta ; i rissittiäčettih kaikin Jordanašša jovešša , šanohuo omat riähät .
6 Oli Iivana šuoriečenut verbl’uudan villoih , i vyö nahkane hänen šivuloja myöt’ , šöi tihilöjä i meččämettä .
7 I šaneli , paissešša : Tulou miula jällesti vägövembi milma , Kumbazelda mie en makša , painuačehuo , Hänen jallačista paglua kerittiä .
8 Mie rissitin teidä vejellä , a Že rissittäy tiät Pyhähengellä .
9 I oli niinä päivinä , tuli Iisus Galilejan Nazarietašta , i rissittiäčih Iivanašta Jordanašša .
10 I kuin vain läksi veještä , nägi avaudumašša taivahat , i Hengie , kuin gul’us’t’a , Hänen piällä heittiäčömäššä .
11 I oli iäni taivahašta : Šie olet Miun armaš Poiga , Šilma šuvačen .
12 Šidä že kerdua Hengi šuatto Hänen šaloh .
13 I oli šielä šalošša nelläkymmendä päiviä , sotonan muanittamizešša , i oli karhulojen kera , i Angelit kuunneldih Händä .
14 Žen jälgeh , kuin oli pandu raudoih Iivana , tuli Iisus Galilejah , i šaneli Jumalan kuningahuon Jovangelie ,
15 I pagizi , jotto tuli aiga , i läheni Jumalan kuningahuš : Šanokkua riähät i uškokkua Jovangelih .
16 Kävelleššä Galilejan meren luona , nägi Simonua i Ondreida , žen Simonan vellie , laškomašša verkoloja mereh : oldih hyö kalanpyydäjät .
17 I šano heilä Iisus : Aštukkua Miula jällesti , i luajin tiät inehmizien pyydäjiksi .
18 Šidä že aigua , jättähyö omat verkot , lähteih Hänellä jällesti .
19 I vähän mändyö šieldä , nägi Zevedein Juakovua i hänen vellie Iivanua , i hyö kohenneldih verkoloja veneheššä .
20 I šidä že kerdua heidä kirgai .
I hyö , jättähyö oman tuaton Zevedein veneheššä palkalazien kera , Hänellä jällesti lähteih .
21 I mändih Kapernaumah ; i šidä kerdua šuovattoina , mändyö rahvahan kanžah , opašti .
22 I diivuoliečettih Hänen opaššandua : opašti Hiän heidä , kuin vallanpidäjä , a ei kuin kirjamiehet .
23 I oli hiän kanžašša mieš , kumbazešša eli lembo , i hiän niin mögähti :
24 Elä košše , мi meilä i Šiula Nazorein Iisus ?
Tulit meidä hävittämäh ?Tiijän mie , ken Šie olet , Jumalan Svʼatoi .
25 Kieldi händä Iisus i šano : Hergie , i lähe häneštä .
26 I piekšäldi inehmistä lembo , i , mögähtähyö korgiella iänellä , läksi häneštä .
27 I pölläššyttih kaikin , äššen kiissettih keškenäh , paissešša : Mi tämä muozie on ?
I mi muone tämä uuži opaššanda , jotto omua valdua myötʼ ahistau lemboloja , i kuunnellah Händä ?
28 I terväh rubei Hiän olomah kuulovilla kaikešša Galilejan rannašša .
29 I šidä že aigua , lähtehyö kanžašta , tuldih Simonan i Ondrein kodih , Juakovan i Iivanan kera .
30 Simonan anoppie tauvešša kuin tulella polti ; i hyö šiinä že šanottih Hänellä häneh näh .
31 I Hiän , tulduo , noššaldi händä , i otti händä kiäštä ; i šidä že kerdua heitti händä poltua , i rubei rakaštamah heidä .
32 Ildapuoleh , päiväzen laškienda-aigana , tuokšenneldih Hänen luo kaikkie läzijie i lembolazie .
33 I kaikki linna keräydy oviloin edeh .
34 I tervehytti äijie ylen vaivuačijie kaikenualazissa taudiloissa ; da i äijät lemmot porotti , i ei andan paissa lemboloila , jotto hyö tiettih Händä olla Šyndyruohtinana .
35 Huomenekšešta , kuin äijä vielä yödä oli , nouštuo , Hiän läksi i mäni tyhjäh paikkah , i šielä kumardeli .
36 I ečittih Händä Simona i Hänen kera olijat ;
37 I löydähyö Hänen , šanottih Hänellä : Kaikin Šilma ečitäh .
38 I Hiän šano heilä : Läkkömä lähizih kylih i linnoih , da i šielä opaššan , šiksi Mie i tulin .
39 I šaneli Hiän kanžoissa kaikešša Galilejašša i lemboloja porotti .
40 I tuli Hänen luo kibeydynyt , ruguolih Hänellä , i šeizuosʼsʼa Hänen ieššä polvuzin , pagizi Hänellä , jotto : Kuin Šie tahot , voit milma puhaštua .
41 Hellä oli händä vaš Iisus , oijendi kiän i koššahuttih händä , i šano hänellä : Tahon , ole puhaš .
42 I kuin vain šano , niin i hävittih häneštä kibiet , i tuli puhaš .
43 I kieldähyö händä , šiinä že hänen ajo .
44 I šano hänellä : Kačo , nikellä nimidä elä pagize , a mäne , ožuttuače pappiloila i vie šiun puhaštuačennašta , min käški Moisei , tiedävökši heilä .
45 I hiän , lähtehyö , rubei äijän pagizomah i šanelomah , äššen ei voinun Šyndyruohtinalla näheššä männä linnah , a vain linnan ymbäri tyhjissä paikoissa oli , i kaikkielda Hänen luo käydih .
Enžimäne piä
Karelian Proper
New written Tver
2
15
24
37