Texts
Return to list | edit | delete | Create a new | history | Statistics | ? Help
Iisussan hautuamini
Iisussan hautuamini
Karelian Proper
New written karelian
57 Illalla
šinne tuli Joosefi , pohatta mieš Arimafijašta , kumpani niise oli Iisussan opaššettava .
58 Hiän mäni Pilatin luo ta kyšy Iisussan Ruumista .
Pilatti käški antua Šen hänellä .59 Joosefi otti Ruumehen , kiäri Šen puhtahah palttinah 60 ta pani uuteh kalmakotiseh , min hiän oli vašta lohkauttan kallivoh iččieh varoin .
Kalmakotisen šuuh hiän vieretti šuuren kiven ta läksi pois .
61 Magdalan Muarie ta še toini Muarie niise oltih šielä , hyö issuttih kalman vaštapiätä .
62 Toisena päivänä , šuovattana , ylipapit ta farisseit keräyvyttih Pilatin luo 63 ta šanottih : "Hyvä muaherra ,
meilä juohtu mieleh , jotta elyässäh tuo valehtelija šano : "Kolmen päivän piäštä Mie noušen kuollehista ".64 Šentäh käše varteija kalmua kolmanteh päiväh šuate , jotta Hänen opaššettavat ei mäntäis yöllä varaštamah Häntä ta ruvettais šanomah rahvahalla , jotta Hiän nousi kuollehista .
Viimeni valehuš ois šilloin vielä pahempi enšimmäistä ".
65 Pilatti šano heilä : "Ottakkua vahit .
Mänkyä ta varteikua kalmakotista , niin hyvin kuin šuatatta ".
66 Hyö lähettih ta pantih kalmanšuušša olijah kiveh pečatti ta jätettih šinne vahit .
Iisussan hautuamini
Karelian Proper
New written karelian